दराजले अब सामान डेलिभरीका लागि विद्युतीय स्कुटर प्रयोग गर्ने

कर्पोरेट

नेपाल लाइभ शनिबार, असोज ८, २०७९ १०:५१

काठमाडौं– थप वातावरणमैत्री सञ्चालनतर्फ अघि बढ्ने उद्देश्यका साथ नेपालको अग्रणी अनलाइन बजार दराजले अब डेलिभरीको लागि विद्युतीय बाइक प्रयोग गर्ने घोषणा गरेको छ।

यसका लागि कम्पनीले हालै १० वटा ओकिनावा डुअल इलेक्ट्रिक बाइक खरिद गरेको जनाएको छ। जसलाई काठमाडौं उपत्यकामा डेलिभरी गर्न प्रयोग गरिने छ।

विशेष गरी धुम्बाराही, चाबहिल, कपन, कुलेश्वर, कालीमाटी, न्यूरोड, नागार्जुन, पुलचोक, सानेपा, जावलाखेल लगायतका केही क्षेत्रका ग्राहकलाई सामान पुर्याकउन विद्युतिय बाइकको प्रयोग गरिने कम्पनीले जनाएको छ।

यो नयाँ पहलमार्फत्, दराजले आयातित इन्धनको खपतलाई स्वदेशमै उत्पादन हुने ‘क्लिन एण्ड ग्रिन’ बिजुलीले प्रतिस्थापन गर्ने र वातावरणमा कार्बन फुटप्रिन्ट कम गर्ने अपेक्षा गरेको छ। साथै, कम्पनीले दुई र चार पाङ्ग्रे दुवै खण्डमा आफ्नो फ्लीटमा विद्युतीय सवारी साधनको संख्यालाई थप विस्तार गर्ने योजना रहेको पनि बताएको छ।

दराजकी प्रबन्ध निर्देशक आँचल कुँवर भन्छिन्, ‘दराजमा दिगो तथा वातावरणमैत्री सञ्चालनतिरको थप एक कदम हो। हाम्रा डेलिभरी सवारी साधनहरूमा १० वटा विद्युतीय स्कुटरहरू थपिएका छन्।’

उनले वातावरणमा कार्बल फुटप्रिन्ट कम गर्नका लागि दराजले कोसिस गरिरहने बताइन्। उनले अघि भनिन्, ‘हामी हाम्रो प्याकेजिङ्गको लगभग ८० प्रतिशत कामको लागि पुन: प्रयोग गरिएको कागज प्रयोग गर्दछौं र पूर्ण रूपमा कागजविहीन जाने प्रयास गर्दैछौं। हामीले हाम्रो थसिखेल हबमा रेन वाटर हार्वेस्टिङ प्रणाली पनि लागू गरिरहेका छौं। हामीले नागार्जुनको सामुदायिक वनमा चार सयभन्दा बढी रुख पनि रोपेका छौं।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अब बैंक खाता खोल्न राष्ट्रिय परिचयपत्र चाहिने

धरौटी रकम बुझाएर अदालतबाट निस्किए रवि

बेलबारी भिडन्तका बेला राखिएको बम २१ वर्षपछि ‘डिस्पोज’