गोठाटारमा गोली प्रहारबाट घाइते भएका व्यक्तिको उपचारका क्रममा मृत्यु

सुरक्षा/अपराध

नेपाल लाइभ सोमबार, असोज ३, २०७९ २१:३९

काठमाडौं– काठमाडौंको गोठाटारमा अज्ञात व्यक्तिले चलाएको गोली लागेर घाइते भएका व्यक्तिको उपचारका क्रममा मृत्यु भएको छ।

सोमबार साँझ गोठाटारमा गोली प्रहार हुँदा सर्लाहीको गोडैता नगरपालिका–२ मुस्लिम टोलका लाल मोहम्मद दर्जी घाइते भएका थिए। गोली लागेर गम्भीर घाइते भएका दर्जीलाई उपचारका लागि त्रिवि शिक्षण अस्पताल महाराजगञ्ज पुर्‍याइएको थियो।

जिल्ला प्रहरी परिसर काठमाडौंका प्रमुख प्रहरी वरिष्ठ उपरीक्षक (एसएसपी) भरत बोहराले गोली लागेर घाइते भएका दर्जीको त्रिवि शिक्षण अस्पतालमा उपचारका क्रममा मृत्यु भएको जानकारी दिए।

कागेश्वरी मनोहरा नगरपालिका–८ गोठाटारस्थित कृष्ण मन्दिर नजिकै गोली चलेको हो। प्रहरीका अनुसार पल्सर मोटरसाइकलमा आएका २ जनाले गोली प्रहार गरेका थिए। गोली प्रहार गरेर फरार भएकाहरुको खोजी भइरहेको एसएसपी बोहोराको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रपति पौडेलद्वारा अमेरिकी राष्ट्रपति ट्रम्पलाई बधाई

‘विदेशको ठाउँ काम गरुन्जेल मात्र हुँदोरहेछ’

प्रचण्ड पुगे देवघाट