समाज

जितियाको खुशी [तस्बिरहरू]

मनिष अर्याल आइतबार, असोज २, २०७९ १५:३४

काठमाडौं– प्रत्येक वर्ष आश्विन कृष्णपक्ष सप्तमी, अष्टमी र नवमी तिथिमा मनाउने गरिएको जितिया पर्व थारू समुदायका महिलाले सामूहिक पूजा गरि मनाएका छन्। दिनभर ब्रत बसेर गरिने पूजा र ब्रतबारे आ-आफ्नै किंवदन्ती छन्।

पहिलोचोटी ब्रत बस्नलाई खर दिन हुनुपर्छ अर्थात् सप्तमी तिथि शनिबार, अष्टमी तिथि आइतबार र नवमी तिथि सोमबार हुनैपर्छ भन्ने मान्यता छ। यो दिनमा तिथि–मिति जुरेन भने ब्रतको शुभारम्भ गर्न सकिंदैन।

यो पर्वको बारेमा पूर्वदेखि पश्चिमसम्म केही भिन्नता रहे पनि धेरै कुरामा समानता रहेको छ।

थारू समुदायको यस पर्वमा नारीहरू स्वतन्त्र हुन्छन्। महिलाको उच्च स्थान रहेको र घर व्यवहारमा महिलाको निर्णय नै अन्तिम हुँदै आएको थारू समुदायमा यो पर्वले पारिवारिक भेटघाट तथा माइतीको ससुरालीसँगको सम्बन्ध जोड्नमा मद्दत गर्ने विश्वास गरिन्छ।

Tharu-phoro (1)1663494476.jpg