काठमाडौं– प्रसिद्ध पेय पदार्थ कोका–कोलाले यस वर्ष दसैंको लागि ‘सम्बन्धउत्सव स्वादसँग”नामक अभियानको सुरुआत गरेको छ। दसैंको माहोललाई मध्यनजर गर्दै यस वर्षको दसैंका लागि उक्त अभियान सुरुआत गरिएको कोका–कोलाले जनाएको छ।
कोका–कोलाले दसैंलाई आफ्नो मार्केटिङ र कन्ज्युमर अभियानको एक हिस्साको रुपमा राख्दै आएको छ। हरेक वर्षको दसैंमा कम्पनीले नेपाली उपभोक्ताका लागि नयाँ तथा रोमाञ्चक थिमसहितको अभियान सञ्चालन गर्दै आएको छ। दसैंलाई विशेष बनाउन कोका–कोलाले चङ्गा उडाएको, टिका लगाएको, परिवारसँग बसेर खाएको, पिङ खेलेको र देउसी–भैलो खेलेको जस्ता ५ वटा विभिन्न चित्रअंकित लेबलहरु भएको बोतल बजारमा ल्याउने गरेको छ।
अहिलेको अभियानका बारेमा बोल्दै कोका–कोला नेपालको कन्ट्री डिरेक्टर आदर्श अवस्थीले भने, ‘यो वर्षको सम्बन्ध उत्सव स्वादसँगलाई लिएर म एकदमै उत्साहित छु। किनकी यसले ठ्याक्कै दसैंको मुख्य आकर्षणलाई प्रतिविम्बित गरेको छ। दसैं विशेष कोक बोतलको साथ हामी हाम्रा सम्पूर्ण नेपाली उपभोक्ताहरुलाई शुभकामना पनि दिन चाहन्छौं। हामीलाई आशा छ यहाँहरु सबै जनाको दसैं एकदमै विशेष हुनेछ र सबैजनाले यो दसैं रमाइलोसँग मनाउनुहुनेछ।’
दसैं विशेष लेबलको साथै कोका–कोलाले आफ्नो ब्रान्ड एम्बासडर स्वस्तिमा खड्कालाई लिएर नयाँ टेलिभिजन विज्ञापन पनि बनाएको छ। यस विज्ञापनमा स्वस्तिमाले आफ्नो स्वर्गीय हजुरआमाको रेसिपी–बुकको मद्धतबाट दसैंको तयारी गर्न थाल्छिन्। विज्ञापनमा दसैंको मुख्यभागको रुपमा आफ्नो नातागोता र उनीहरुसँगको मेलमिलापलाई भावनात्मक तरिकाले प्रस्तुत गरिएको छ।
यस विज्ञापनमा स्वप्न सुमनले सम्बन्ध उत्सव शीर्षकको गीत पनि गाएका छन्। त्यस्तै कम्पनीका प्रबन्ध निर्देशक प्रदीप पाण्डेले भने, ‘नेपालीहरुको लागि दसैं जति महत्त्वपूर्ण छ त्यत्तिकै महत्त्वपूर्ण कोका–कोलाको लागि पनि छ। हामी हरेक वर्षको दसैंमा हाम्रा उपभोक्ताहरुको लागि केही नयाँ र विशेष क्याम्पेन लिएर आइरहेका छौं। हाम्रो यो वर्षको दसैं क्याम्पेन ट्यागलाइन सम्बन्धको उत्सवले हाम्रा उपभोक्ताहरुलाई आफ्नो सम्बन्धलाई अझै प्रगाढ बनाउन र हरेक पल स्मरणीय बनाउन प्रेरित गर्ने छ भन्ने हामीले आशा लिएका छौं।’
दसैंको अभिन्न हिस्साको रुपमा खानेकुरा रहेकोले कोका–कोलाले यो वर्ष बीबीसी मास्टर सेफ प्रोफेसनलका विजेता सन्तोष शाहसँग मिलेर दसैंमा खाइने मुख्य ५ वटा परिकारहरुको रेसिपी पनि सार्वजनिक गरेको छ। यो रेसिपी पाउनको लागि उपभोक्ताहरुले कोका–कोला बोतलको लेबलमा भएको क्यूआर स्क्यान गर्नुपर्ने हुन्छ। साथै यी रेसिपी भिडियोहरु कोका–कोला नेपालको फेसबुक र इन्स्टाग्राममा पनि उपलब्ध हुनेछन्।
यसको साथै उपभोक्ताहरुले पनि कोका–कोला नेपाल र सेफ सन्तोष शाहलाई ट्याग गरेर आफ्नो रेसिपीको भिडियो सामाजिक सञ्जालमा अपलोड गर्न सक्नेछन्। यी मध्येबाट ३ जना भाग्यशाली विजेताहरुले सेफ सन्तोष शाहसँग भेट्ने मौका प्राप्त गर्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821309.webp)
-1787798469.jpg)
-1786602170.png)
-1786513116.png)
