रिलायन्स लाइफ इन्स्योरेन्स र जानकी गाउँपालिकाबीच सम्झौता

कर्पोरेट

नेपाल लाइभ बिहीबार, भदौ ३०, २०७९ ११:२८

काठमाडौं– रिलायन्स लाइफ इन्स्योरेन्स लिमिटेड र जानकी गाउँपालिका बाँकेबीच बालजीवन बीमा योजनाको लागि सम्झौता भएको छ।

सम्झौताबमोजिम जानकी गाउँपालिकामा २०७९ साउन १ गतेपछि जन्म भएका प्रत्येक छोरीहरुका लागि वाषिक ५ हजार बीमा शुल्क बराबर हुन आउने बीमांक रकम बराबरको २० वर्ष अवधिको ‘मेरो मुटु बाल जीवन बीमा’ योजनाका लागि सम्झौता भएको हो।

सम्झौतापत्रमा जानकी गाउँपालिकाका प्रमुख प्रशासकीय अधिकृत सिंहराज डाँगी र रिलायन्स लाइफ इन्स्योरेन्सका तर्फबाट क्षेत्रीय प्रबन्धक दीपककुमार ओलीले हस्ताक्षर गरे।

कार्यक्रममा पालिका अध्यक्ष छब्बन खाँ र लेखा अधिकृत मतिन अहमद अन्सारी एवं रिलायन्स लाइफ इन्स्योरेन्सका तर्फबाट नेपालगन्ज शाखाका शाखा प्रमुख कृष्णबहादुर हमाल र सिनियर एजेन्सी मेनेजर सुनिल घिमिरेको उपस्थिति थियो।

कार्यक्रममा कम्पनीका क्षेत्रीय प्रबन्धक दीपककुमार ओलीले भने, ‘आजका बालिबालिका भोलिका देशका गहना हुन्। उनीहरुलाई हामीले आजैदेखि सुरक्षित गर्दै खुलेर जिउने वातावरण तयार गर्‍यौं भने उनीहरुको भविष्य उज्ज्वल हुनेछ। साथसाथै उनीहरुले चाल्ने हरेक पाइलामा रिलायन्स लाइफले सुरक्षाको कवचको काम गर्नेछ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्थलमार्ग हुँदै काठमाडौं आउँदै रवि लामिछाने

अचानो प्रहार गरेर श्रीमतीको हत्या

एकता दिवसमा पूर्वराजा ज्ञानेन्द्रको शुभकामना- पूर्ण प्रजातन्त्र अहिले पनि पूरा हुन सकेको छैन