काठमाडौं– देशकै अग्रणी मानव संसाधन संस्था रोलिङ नेक्सस आइतबारदेखि १८औं वर्ष पूरा भएर १९ वर्षमा प्रवेश गरेको छ।
सन् २००४ मा देशमा विद्यमान बेरोजगारी समस्यालाई एउटा सेतुको रूपमा स्थापित भएर नेपाली अर्थतन्त्रलाई मद्दत गर्दै आइरहेको रोलिङ ग्रुप अफ कम्पनीका निर्देशक निशा केसीले बताइन्।
‘विगतमा रोजगार प्रदायक कम्पनीका रूपमा स्थापना भएता पनि आज आएर कम्पनीले निकै फड्को मरेको छ’ उनले भनिन, ‘अहिले रोलिङ नेक्ससले रोलिङ जब, क्याट, इभेन्ट, बजार, टेन्डर, बतासे हिल्स, कर्मशील विदेश र रोलिङ स्वदेश जस्ता कम्पनीहरू खडा गरिसकेको छ। मोबाइल एपदेखि टुरिजम सेक्टरसम्म आफ्ना नयाँ गतिविधि बढाइएको छ। सरकारी कार्यालयदेखि निजी कम्पनीसम्म, दातृ निकायदेखि प्रतिष्ठित संस्थामा लाखौँ कर्मचारी प्रदान गर्दै आइरहेको छ।’
केसीलाई उद्योग, वाणिज्य तथा आपूर्ति मन्त्रीको हातबाट उत्कृष्ट महिला उद्यमीबाट सम्मानित गरिएको थियो। उनले यो १८ वर्षको यात्रामा आफूहरूलाई विश्वास गरेर काम दिने सरकारी, निजी कार्यलयहरू, दातृ निकाय र शुभेच्छुकहरूलाई धन्यवाद समेत दिएकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
