काठमाडौं– एक्कासि परेको झरीका कारण शुक्रबार काठमाडौं उपत्यकाको सडक जलमग्न बन्यो।
शुक्रबार दिउँसो परेको झरीका कारण काठमाडौंको माइतीघर मण्डला क्षेत्रको सडक जलमग्न हुँदा ट्राफिक जाम भयो। सडक नै डुबानमा परेपछि सवारी साधन तथा पैदल यात्रु समस्या परे।
निकास नहुँदा सडकमा जमेको पानीका कारण पुतलीसडक, न्युरोडलगायतका स्थानसमेत जलमग्न भए।
ट्राफिक व्यवस्थापनमा खटिएको ट्राफिक प्रहरी र काठमाडौं महानगरपालिकाको टोलीले पानी जाने ढलको निकास सफा गरेपछि मात्र यातायात सञ्चालनमा सहज भएको छ।
मुलुकको केन्द्रीय राजधानी काठमाडौंका होचा ठाउँमा सामान्य झरी पर्दा पनि पानी जम्ने समस्या हुँदै आएको छ।
ढल निकासको उचित व्यवस्था नहुँदा पार्नी पर्ने बित्तिकै काठमाडौंका सडक जलमग्न हुने गरेका छन्।
हेर्नुहोस् जलमग्न सडकका तस्बिरहरू
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
