सुरक्षा/अपराध

सन्दीपमाथि बलात्कार आरोप : महत्त्वपूर्ण प्रमाण भेटिएको प्रहरीको दाबी

नेपाल लाइभ बुधबार, भदौ २२, २०७९ १७:४३

काठमाडौं– नेपाली राष्ट्रिय क्रिकेट टोलीका कप्तान सन्दीप लामिछानेमाथि लागेको बलात्कार आरोपको प्रमाण संकलनको काम सुरु गरेको प्रहरीले महत्त्वपूर्ण प्रमाण भेटिएको दाबी गरेको छ। उनीहरू बसेको होटलको सीसीटिभी फुटेज संकलन गर्ने क्रममा महत्त्वपूर्ण फुटेज भेटिएको प्रहरीले दाबी गरेको हो।

प्रहरीले संकलन गरेको सीसीटीभी फुटेज अनुसार लामिछाने किशोरीलाई लिएर भदौ ५ गते राति ११ बजेर ५५ मिनेटमा होटलभित्र प्रवेश गरेको देखिएको छ। प्रहरी उच्च स्रोतका अनुसार उनी किशोरीसहित भदौ ६ गते बिहान ६ बजेर ४५ मिनेटमा बाहिरिएको देखिएको छ।

होटलभित्र प्रवेश गर्दा र बाहिरिँदाको किशोरीको हाउभाउ भने फरक देखिएको एक प्रहरी अधिकृतले नेपाल लाइभलाई जानकारी दिए। उनका अनुसार होटलबाट बाहिरिने क्रममा किशोरीको हिँडाइ असहज देखिएको छ।

‘होटल प्रवेश गर्दाको हिँडाइ र बाहिरिँदाको हिँडाइ फरक देखिएको छ। उनी निकै असहज महसुस गरेर बाहिरिएको फुटेजमा देखिएको छ’, प्रहरीका एक उच्च अधिकारीले नेपाल लाइभसँग भने।

भदौ ५ गते किशोरीलाई आफ्नो निजी कारमा लिएर नगरकोट पुगेको र नगरकोटमै बस्ने योजना भएपनि किशोरीले नमानेपछि पुनः फर्किएर काठमाडौं आएको प्रहरी अनुसन्धानबाट खुलेको छ। त्यसपछि काठमाडौं आएर होटलको एउटा कोठा बुक गरेर उनीहरू सँगै बसेको पाइएको छ। जाहेरी आएसँगै प्रहरीले होटलमा गएर प्रमाण संकलन गरेको छ।

होटलमा भएको सीसी क्यामेरा फुटेज हेर्ने, होटल सञ्चालक तथा कर्मचारीसँग सोधपुछ लगायतका काम गरिएको प्रहरीले जनाएको छ। भदौ ५ गते राति काठमाडौंको एक होटलमा राखेर लामिछानेले आफूमाथि बलात्कार गरेको किशोरीको जाहेरीमा उल्लेख छ।

जाहेरी परेसँगै प्रहरीले अनुसन्धान अघि बढाएको छ। सन्दीपले उक्त आरोपबारे अहिलेसम्म कुनै प्रतिक्रिया जनाएका छैनन्। सन्दीप हाल क्यारेबियन प्रिमियर लिग (सीपीएल) खेल्न सेन्ट लुसियामा छन्।

सम्बन्धित समाचार :
सन्दीपमाथि बलात्कार आरोप : प्रमाण संकलनका लागि नगरकोट र काठमाडौंका होटल पुग्‍यो प्रहरी
बलात्कार आरोपमा सन्दीप लामिछानेको नाम जोडिएपछि ‘जुम’ मा क्यानको बैठक
बलात्कार प्रकरणमा जोडिएका सन्दीपमाथिको अनुसन्धान कसरी अघि बढ्छ?
लामिछाने प्रकरणमा काठमाडौंका एसएसपी भन्छन्: हाइप्रोफाइल भन्दैमा केही फरक पर्दैन, दूधको दूध पानीको पानी छुट्याइन्छ
पीडित किशोरीको बयान : होटलको ३०५ कोठामा लगेर सन्दीपले पटक–पटक बलात्कार गरे
सन्दीप लामिछानेविरुद्ध प्रहरीमा उजुरी

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

रवि लामिछानेले भने : ‘अध्यादेश फिर्ता गरिएको विषयमा पूर्ण जानकारी लिएपछि मात्र धारणा सार्वजनिक गर्छु’

खोला किनाराका सुकुम्वासीको सुरक्षित स्थानान्तरण गर्न चैत मसान्तसम्म योजना अघि बढाउन रास्वपाको सुझाव

राष्ट्रपतिद्वारा संवैधानिक परिषद्सम्बन्धी अध्यादेश पुनर्विचारका लागि फिर्ता