काठमाडौं– प्रहरीबाटै घुस लिएको आरोपमा भ्रष्टाचारको मुद्दा चलाइएका प्रहरी र पत्रकार दुबैले सफाइ पाएका छन्।
प्रहरी हवल्दार पूर्ण आकाश दिप सिंहबाट दुई सय घुस लिएको बदलामा आफूलाई पत्रकार बताउने सुनिल न्यौपानेले १ लाख ५ हजार घुस लिएपछि दुवै जनाविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको थियो।
विशेष अदालतका न्यायाधीशत्रय रमेशकुमार पोखरेल, बलभद्र बास्तोला र खुशी प्रसाद थारुको शुक्रबारको इजलासले प्रहरी र पत्रकार बताउने दुवैलाई सफाइ दिएको हो।
प्रहरीले आफूसँग २ सय घुस लिएको भिडियो खिचेको दाबी गर्दै पत्रकार बताउने न्यौपानेले प्रहरी हवलदार सिंहसँग १ लाख ५ हजार रुपैयाँ घुस लिएको बताउँदै अख्तियारले दुवै जनाविरुद्ध २०७६ असार २० गते मुद्दा दायर गरेको थियो।
घोराही उप–महानगरपालिका उखुवारी सडकखण्डमा सवारी जाँचमा खटिएका प्रहरी हवल्दार सिंहले जाँच गर्ने क्रममा मोटरसाइकल चालक सुनिल न्यौपानेको साथमा कागजात नभएको भेटाएका थिए।
उनले जरिवानाबापत रसिद काट्न खोज्दा न्यौपानेले २ सय रुपैयाँ घुस दिएर त्यहाँबाट फुत्किए। घुस दिएको केही समयपछि न्यौपानेले आफू पत्रकार भएकोले घुस लिएको भिडियो बनाइसकेको हवल्दार सिंहलाई बताए। आफूलाई एक लाख रुपैयाँ घुस नदिए उक्त कुरा पत्रिकामा छपाइदिने भन्दै धम्की दिएका थिए।
उक्त घुस लिएको कुरालाई प्रकाशन/प्रसारण नगराइदिन हवलदार सिंहले तत्काल नगद ५ हजार र पछि ५० हजार रुपैयाँको चेकसमेत न्यौपानेलाई दिए। उनले सो चेक फिर्ता गर्नको लागि पुनः नगद ५० हजार रुपैयाँ समेत दिएका थिए।
उक्त चेक र नगद ५५ हजारसहित न्यौपानेलाई अख्तियारले पक्राउ गरेको थियो। आफूले दुई सय रुपैयाँ घुस लिइ न्यौपानेलाई १ लाख ५ हजार रुपैयाँ घुस दिएको उक्त कार्य भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (३)को कसुर भएको पुष्टि भएको भन्दै उनीहरुविरुद्ध मुद्दा दायर गरिएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1737553044.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
