दुबईदेखि अण्डरवेयरमा लुकाएर काठमाडौंसम्म ल्याइयो सुन, समातिए भारतीय नागरिक

सुरक्षा/अपराध

नेपाल लाइभ मंगलबार, भदौ ७, २०७९ १७:०१

काठमाडौं– दुबईदेखि अण्डरवेयरलगायत भित्री बस्त्रमा लुकाएर सुन ल्याउने एक भारतीय नागरिकलाई प्रहरीले पक्राउ गरेको छ।

पक्राउ पर्नेमा भारतको पश्चिम बिहार राज्य, दिल्ली घर भएका ३४ वर्षीय विकास महाजन छन्। उनलाई काठमाडौं उपत्यका अपराध अनुसन्धान कार्यालयको टोलीले सोमबार त्रिभुवन अन्तर्राष्ट्रिय विमानस्थलको गोल्डेन गेट नजिकबाट पक्राउ गरेको हो।

बरामद सुन र नगद।

सारजहा एभिएसन सर्भिसको जी९५३६ नम्बरको फ्लाइटमार्फत् काठमाडौं आएका महाजनले सेन्डो गन्जीमा लेपन लगाएर ४०८ ग्राम र अन्डरवेयरमा लेपन लगाएर ३६९ ग्राम गरी ७७७ ग्राम सुन तस्करी गरेर ल्याएका थिए।

उनको साथबाट ५ दरको भारतीय रुपैयाँ १९ हजार ५ सय र ४२० युएई दिराम बरामद गरिएको छ। पक्राउ परेका महाजनलाई सुनसहित थप अनुसन्धान र कारबाहीका लागि विमानस्थल भन्सार कार्यालय बुझाइएको अपराध अनुसन्धान कार्यालयका एसपी तथा प्रवक्ता कृष्ण कोइरालाले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात