२ थान पेस्तोलसहित मोरङमा २ जना पक्राउ

सुरक्षा/अपराध

नेपाल लाइभ सोमबार, भदौ ६, २०७९ १०:५२

विराटनगर– सशस्त्र प्रहरी बलको टोलीले मोरङमा पेस्तोलसहित २ जनालाई पक्राउ गरेको छ। जिल्लाको सुनवर्षी नगरपालिका–८ खरेवारी सीमा क्षेत्रबाट आइतबार पेस्तोलसहित २ जनालाई पक्राउ गरिएको सशस्त्र प्रहरी बलले जनाएको छ।

आइतबार को २७ प ४०६ नम्बरको मोटरसाइकलमा भारतबाट नेपालतर्फ आउँदै गरेका सुनवर्षी–८ खरेवारीका २८ वर्षीय आरिफ आलमलाई सशस्त्रको टोलीले पक्राउ गरेको थियो।

सशस्त्रको टोलीले उनको साथबाट अटोमेटिक चाइनिज पेस्तोल १ थान तथा म्यागेजिन १ थान र १ राउण्ड गोली तथा एउटा सिक्सर पेस्तोल पक्राउ गरेको थियो।

सोधपुछका क्रममा आलमले उक्त पेस्तोल मोरङको उर्लावारी नगरपालिका–६ बस्ने २९ वर्षीय नविन धिमालले मगाएको बताएपछि धिमाललाई पनि पक्राउ गरिएको सशस्त्र प्रहरीले जानकारी दिएको छ।

धिमालले प्रयोग गरेको को २२ प ६७०७ नम्बरको मोटरसाइकल तथा ४७ हजार ७ सय
७० नेपाली रुपैयाँ र २ थान मोवाईल सेट समेत बरामद भएको सशस्त्र प्रहरीले जानकारी दिएको छ।

पक्राउ परेका दुवै जनालाई बरामद पेस्तोल, म्याग्जिन, गोली, मोटरसाइकल,
रुपैयाँ र मोबाइलसहित आवश्यक कारबाहीका लागि जिल्ला प्रहरी कार्यालय मोरङमा बुझाइएको सशस्त्र प्रहरीले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात