दुबईबाट काठमाडौं आएका भारतीयको पेटबाट प्रहरीले निकाल्यो १ किलो सुन

सुरक्षा/अपराध

नेपाल लाइभ आइतबार, भदौ ५, २०७९ १३:२४

प्रतिकात्मक तस्बिर

काठमाडौं– संयुक्त अरब ईमिरेट्स (यूएई)को दुबईबाट काठमाडौं आएका एक भारतीय नागरिकको साथबाट प्रहरीले १ किलो सुन बरामद गरेको छ।

अर्धठोस सुनको डल्ला बनाएर मुखबाट निलेर पेटमा रहेको सुनसहित प्रहरीले भारतीय नागरिक ३१ वर्षीय राहुन रेमानानलाई पक्राउ गरेको हो।

राहदानी नम्बर भी ११२२८९० वाहक रेमानान शनिबार बिहान फ्लाइ दुबईको उडानमार्फत् दुबईबाट काठमाडौं ओर्लिएका थिए। विमानस्थलको आगमन कक्षको एक्सरे मेसिनमा चेकजाँच गर्दा उनको पेट शंकास्पद देखिएपछि प्रहरीले काठमाडौं मेडिकल कलेजमा लगेर एक्सरे गराएको थियो।

एक्सरे गर्दा पेटमा ठोस पदार्थ रहेको भेटिएपछि प्रहरी बृत्त गौशालामा लगेर सौच गराउँदा मलद्वारबाट बेलनाकार देखिने अर्धठोस सुनको ४ वटा डल्ला फेला परेको प्रहरीले जानकारी दिएको छ।

सुनसहित पक्राउ परेका रेमानानको सन्दर्भमा थप अनुसन्धान भइरहेको प्रहरीले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यस्तो छ आजको तरकारी र फलफूलको मूल्य

यस्तो छ विदेशी मुद्राको विनिमयदर

बढ्न थाल्यो देशभरको तापक्रम