नयाँ दिल्ली– भारतीय राष्ट्रिय कांग्रेसकी अन्तरिम अध्यक्ष सोनिया गान्धी फेरि संक्रमित भएकी छन्।
उनी कोरोना भाइरसबाट अहिले दोस्रो पटक संक्रमित भएकी हुन्। उनी यसअघि गत जुन २ मा पनि कोरोना भाइरसबाट संक्रमित भएकी थिइन्।
उनमा संक्रमण रहेको शनिबार पुष्टि गरिएको अधिकारीहरूले जनाएका छन्। उनलाई कुनै ठूलो स्वास्थ्य समस्या भने नरहेको बताइएको छ।
नेतृ गान्धी अहिले कोरोना भाइरस नियन्त्रण सम्बन्धी नियम अनुसार घरमा छुट्टै बसिरहेको कांग्रेस नेता जयराम रमेशले जानकारी दिए।
उनलाई परिवार भित्रैबाट संक्रमण सरेको अनुमान गरिएको छ। उनकी छोरी तथा पार्टीकी महासचिव प्रियङ्का गान्धी भद्रालाई संक्रमण भएको गत बुधबार पुष्टि गरिएको थियो।
सोनियाका छोरा तथा पार्टीका पूर्व अध्यक्ष राहुल गान्धी पनि बिरामी भएका छन्। उनी सहभागी हुने तय गरिएका कतिपय कार्यक्रम पनि स्थगित गरिएका छन्।
भारतमा पछिल्लो समय कोरोना भाइरसबाट दैनिक संक्रमितहरूको सङ्ख्या बढ्दै गएको देखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
