‘प्रेमगीत ३’को टिजर: प्रेम र राजगद्दीमध्ये एक छान्ने दबाब

सिनेमा

नेपाल लाइभ शनिबार, साउन २८, २०७९ १०:५९

काठमाडौं– बहुप्रतिक्षित फिल्म ‘प्रेम गीत ३’को नेपाल र हिन्दी दुवै भाषाको टिजर सार्वजनिक भएको छ। निर्माण पक्षले शनिबार बिहान सामाजिक सञ्जालमार्फत् फिल्मको टिजर सार्वजनिक गरेको हो।

टिजरमा फिल्मका मुख्य कलाकार प्रदीप खड्का र किष्ट्रिना गुरुङ समेटिएका छन्। टिजरमा खड्का अभिनित पात्र प्रेमले आफ्नो प्रमिका गीत वा राजगद्दीमध्ये एक छान्नुपर्ने बाध्यताको विषयलाई समेटिएको छ। १ मिनेट लामो टिजर अभिनेता खड्काकै वरिपरि घुमेको छ। टिजरमा प्रेम र द्वन्द्वको समिश्रण देखाइएको छ।

फिल्मको टिजर सार्वजनिक भएको जानकारी दिँदै फिल्मका निर्देशक सन्तोष सेनले सामाजिक सञ्जालमार्फत खुसी व्यक्त गरेका छन्। उनी लेख्छन्, ‘अन्ततः हामीले आज हिन्दी र नेपाली टिजर सार्वजनिक गरेका छौं। तपाईंहरुको प्रतिक्षाका लागि हार्दिक आभार व्यक्त गर्दछु।’

सन्तोष र छेतेन गुरुङको निर्देशनमा बनेको यो फिल्म भारत र नेपालमा एकसाथ प्रदर्शनमा आउँदै छ। प्रदिप र कृष्टिनासँगै मनिष राउत, प्रेम पुरी, सुनिल थापा, शिव श्रेष्ठलगातका कलाकारको अभिनय फिलममा रहेको छ।

फिल्म असोज ७ गतेबाट नेपाल र भारतसँगै अन्य देशमा प्रदर्शन हुँदै छ।

फिल्मको टिजर [नेपाली भाषा]

फिल्मको टिजर [हिन्दी भाषा]

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केयूको उपकुलपतिका लागि पिएचडीको न्यूनतम योग्यता राखिएकोमा चिकित्सकहरुको विरोध

प्रहरी अस्पतालका ४ जना इन्स्पेक्टरलाई डीएसपीमा बढुवा गर्न सिफारिस

छिन्नमस्ता गाउँपालिकाले कृषि विद्युत् बिल तिरिदिने