‘महानगर’को आधिकारिक पोस्टर सार्वजनिक

सिनेमा

नेपाल लाइभ शनिबार, साउन २८, २०७९ ०७:३७

काठमाडौं– विभिन्न अन्तर्राष्ट्रिय तथा राष्ट्रिय महोत्सवमा प्रदर्शन भएर चर्चा कमाएको फिल्म ‘महानगर’को आधिकारिक पोस्टर सार्वजनिक भएको छ। कार्म र मेनुका प्रधानको मुख्य अभिनय रहेको फिल्मको पोस्टर शुक्रबार सार्वजनिक गरिएको हो।

सार्वजनिक गरिएको अधिकारिक पोस्टरमा कार्म र मेनुका फिचर्ड छन्। काठमाडौं सहरमा एक साँझ हुने दुई अपरिचित व्यक्तिको भेट र त्यसका कारण हुने प्रसंगहरु समेटिएको यो फिल्मले समिक्षात्मक रुपमा निकै राम्रो प्रतिक्रिया पाएको छ।

सन् २०१२ मा कोलकता अन्तर्राष्ट्रिय चलचित्र महोत्सवमार्फत् विश्वभर प्रिमियर भएको फिल्मले त्यसपश्चात धेरै महोत्सवहरुमा प्रदर्शन भइसकेको छ। अमेरिकाको ब्रुकलिन फिल्म फेस्टिभल, नेपाल अमेरिका अन्तर्राष्ट्रिय फिल्म फेस्टिभल, वासिङ्गटन डी.सी. साउन एसियल फिल्म फेस्टिभल, पामे अन्तराष्ट्रिय फिल्म फेस्टिभललगायतका महोत्सवहरुमा फिल्म प्रदर्शन भइसकेको छ।

सहरीकरण र त्यसका समस्याको सेरोफेरोमा समेटिएको फिल्मले पात्रहरुको मनोवैज्ञानिक चित्रण गरेको छ। माउन्टेन रिभर फिल्मस् तथा गो विन प्रोडक्सनसँग मिलेर मिडल वे फिल्म्स्को ब्यानरमा बनेको फिल्मको कथा निर्देशक राई स्वयंले लेखेका हुन्।

फिल्मको निर्माण पक्षकाअनुसार फिल्मलाई छिट्टै सिनेमा हलमा प्रदर्शन गर्ने तयारी रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केयूको उपकुलपतिका लागि पिएचडीको न्यूनतम योग्यता राखिएकोमा चिकित्सकहरुको विरोध

प्रहरी अस्पतालका ४ जना इन्स्पेक्टरलाई डीएसपीमा बढुवा गर्न सिफारिस

छिन्नमस्ता गाउँपालिकाले कृषि विद्युत् बिल तिरिदिने