काठमाडौं– हाल सञ्चालनमा रहेका २६ वाणिज्य बैंकले गत आर्थिक वर्ष २०७८/०७९ को चौथो त्रैमास सम्मको वित्तीय विवरण सार्वजनिक गरेका छन्।
उक्त विवरणअनुसार गत आर्थिक वर्षको असार मसान्तसम्म २६ वटा वाणिज्य बैंकले ७४ अर्ब ४७ करोड रुपैयाँ बराबर खुद मुनाफा आर्जन गरेका छन्।
बैंकहरुको खुद मुनाफा अघिल्लो आर्थिक वर्ष २०७७/०७८ भन्दा २३.२७ प्रतिशत अर्थात् १४ अर्ब ५ करोड रुपैयाँ धेरै रहेको छ। आर्थिक वर्ष २०७७/०७८ आवको चौथो त्रैमासमा २६ वाणिज्य बैंकले ६० अर्ब ४१ करोड रुपैयाँ खुद मुनाफा कमाएका थिए।
गत आवमा सबैभन्दा धेरै मुनाफा वृद्धि गर्ने बैंक सिभिल बैंक रहेको छ। बैंकको मुनाफा गत आवमा अघिल्लो आवको भन्दा १६२.६१ प्रतिशतले बढेको छ। अघिल्लो आर्थिक वर्षको यसै अवधिमा ५२ करोड ७२ लाख ८४ हजार रुपैयाँ रहेको बैंकको मुनाफा गत आर्थिक वर्षको अन्त्यमा १ अर्ब ३४ करोड ४६ लाख ८५ हजार रुपैयाँ पुगेको छ।
यसैगरी, खुद मुनाफा सबैभन्दा धेरै वृद्धि गर्न सफल दोस्रो बैंकमा सेञ्चुरी बैंक छ। यस बैंकको मुनाफा गत आर्थिक वर्षमा अघिल्लो आर्थिक वर्षको अन्तिम त्रैमाससम्मको भन्दा ११५.७६ प्रतिशतले बढेको छ।
अघिल्लो आर्थिक वर्षको सोही अवधिसम्म ६२ करोड ९३ लाख २० हजार रुपैयाँ खुद मुनाफा आर्जन गरेको बैंकले गत आर्थिक वर्षको असार मसान्तसम्ममा मुनाफा बढाएर एक अर्ब ३५ करोड ७२ लाख ३१ हजार रुपैयाँ बनाउन सफल भएको छ।
अघिल्लो आर्थिक वर्षको तुलनमा गत आर्थिक वर्षमा सबैभन्दा धेरै मुनाफा वृद्धि गर्ने तेस्रो बैंक नेपाल एसबिआई बैंक रहेको छ। बैंकले अघिल्लो आवको तुलनामा गत आवसम्म आउँदा आफ्नो मुनाफा ७०.०४ प्रतिशतले वृद्धि गरी १ अर्ब ६३ करोड ८२ लाख ८४ रुपैयाँ पुर्याउन सफल भएको छ। अघिल्लो आर्थिक वर्षमा बैंकको मुनाफा ९६ करोड ३४ लाख ७९ हजार रुपैयाँ थियो।
यसैगरी, गत आर्थिक वर्षमा सबैभन्दा धेरै मुनाफा भएको पहिलो राष्ट्रिय वाणिज्य बैंक रहेको छ। सरकारी स्वामित्वमा रहेको यस बैंकको मुनाफा गत आर्थिक वर्षको अन्त्यसम्म पाँच अर्ब २१ करोड ४२ लाख ४७ हजार रुपैयाँ छ।
बैंकले अघिल्लो आर्थिक वर्षकोभन्दा गत आर्थिक वर्षमा ३७.३८ प्रतिशतले मुनाफा बढाउन सफल भएको छ। अघिल्लो आर्थिक वर्षमा यस बैंकको मुनाफा तीन अर्ब ३७ करोड ५४ लाख ७७ हजार रुपैयाँ थियो।
सबैभन्दा धेरै मुनाफा भएको दोस्रो बैंक ग्लोबल आइएमई बैंक रहेको छ। यस बैंकको खुद मुनाफा गत आर्थिक वर्षको अन्त्यसम्म पाँच अर्ब २० करोड ६४ लाख ५५ हजार रुपैयाँ रहेको छ।
बैंकको मुनाफा अघिल्लो आर्थिक वर्षको सोही अवधिको भन्दा २५ प्रतिशतले बढेको छ। अघिल्लो आर्थिक वर्षमा बैंकको मुनाफा ४ अर्ब १६ करोड ५१ लाख ५२ हजार रुपैयाँ थियो।
मुनाफा धेरै हुने तेस्रो बैंक नबिल बैंक रहेको छ। यस बैंकको मुनाफा गत आर्थिक वर्षमा चार अर्ब ९७ करोड २७ लाख ५६ हजार रुपैयाँ छ। बैंकको मुनाफा अघिल्लो आर्थिक वर्षको भन्दा ९.८३ प्रतिशतले बढेको हो। अघिल्लो आर्थिक वर्ष बैंकको मुनाफा चार अर्ब ५२ करोड ७५ लाख ३३ हजार रुपैयाँ थियो।
नबिल बैंक र नेपाल बंगलादेश बैंक (एनबीबी) लाई गत आर्थिक वर्षमा मर्ज गरेको थियो। नबिलले एनबीबीको नाफालाई जगेडा कोषमा राखेर नबिलकोमात्र नाफा देखाउँदा यस बैंकको मुनाफामा सामान्य बृद्धिमात्र भएको देखिन्छ।
यसैगरी, नाफा सबैभन्दा धेरै भएको चौथो बैंक एनआईसी एसिया बैंक रहेको छ। यस बैंकको नाफा गत आर्थिक वर्षमा चार अर्ब ५२ करोड ५४ लाख २२ हजार रुपैयाँ रहेको छ। यो नाफा अघिल्लो आर्थिक वर्षको यसै अविधिको भन्दा ३८.८६ प्रतिशतले बढेको हो। अघिल्लो आवमा बैंकको नाफा तीन अर्ब २५ करोड ८९ लाख ३४ हजार रुपैयाँ थियो।
नेपाल इन्भेष्टमेन्ट बैंकले गत आर्थिक वर्षको चौथो त्रैमासम्म आउँदा चार अर्ब ८ करोड ६३ लाख ८४ हजार रुपैयाँ मुनाफा आर्जन गरेको छ। यो बैंकको नाफा अघिल्लो आर्थिक वर्षको यसै अवधिको भन्दा १४.८३ प्रतिशतले बढेको हो। अघिल्लो आर्थिक वर्षको यसै अवधिमा बैंकले तीन अर्ब ५५ करोड ८६ लाख ६ हजार रुपैयाँ मुनाफा आर्जन गर्न सफल भएको थियो।
एनएमबी बैंकले गत आर्थिक वर्षको अन्तिम त्रैमाससम्म आउँदा तीन अर्ब ७० करोड १३ लाख १७ हजार रुपैयाँ बराबरको मुनाफा आर्जन गरेको छ। बैंकको मुनाफा अघिल्लो आर्थिक वर्षको यसै अवधिको भन्दा ३६.५३ प्रतिशत धेरै हो। अघिल्लो आर्थिक वर्षमा बैंकले दुई अर्ब ७१ करोड १० लाख ७४ हजार रुपैयाँ मुनाफा आर्जन गरेको थियो।
प्राइम कर्मसियल बैंकले गत आर्थिक वर्षको अन्तिम त्रैमाससम्म आउँदा तीन अर्ब ६८ करोड १२ लाख ३२ हजार रुपैयाँ खुद मुनाफा आर्जन गर्न सफल भएको छ। बैंकको मुनाफा अघिल्लो आर्थिक वर्षको यसै अवधिको भन्दा १२.६३ प्रतिशतले बढेको छ। अघिल्लो आर्थिक वर्षमा बैंकको नाफा तीन अर्ब २६ करोड ८४ लाख रुपैयाँ थियो।
सिद्धार्थ बैंकले गत आर्थिक वर्षको यसै अवधिसम्म आउँदा तीन अर्ब २१ करोड ९७ लाख ४१ हजार रुपैयाँ मुनाफा आर्जन गर्न सफल भएको छ। बैंकको मुनाफा गत आर्थिक वर्षको यसै अवधिको भन्दा १२.८७ प्रतिशत धेरै हो। अघिल्लो आर्थिक वर्षमा बैंकले दुई अर्ब ८५ करोड ४८ लाख २८ हजार रुपैयाँ नाफा आर्जन गरेको थियो।
गत आार्थिक वर्षको चौथो त्रेमासम्म आउँदा कुमारी बैंकको मुनाफा दुई अर्ब ८३ करोड ५२ लाख ३४ हजार रुपैयाँ बराबर रहेको छ। यो बैंकको मुनाफा अघिल्लो आर्थिक वर्षको यसै अवधिको भन्दा ४३.८७ प्रतिशतले धेरै हो। अघिल्लो आर्थिक वर्षको समीक्षा अवधिसम्म बैंकले एक अर्ब ९७ करोड ७ लाख ३० हजार रुपैयाँ मुनाफा आर्जन गरेको थियो।
प्रभु बैंकले गत आवमा दुई अर्ब ६० करोड ३ लाख ९७ हजारर रुपैयाँ मुनाफा आर्जन गरेको छ। बैंकको खुद मुनाफा ५१.११ प्रतिशतले बढेको हो। अघिल्लो आर्थिक वर्षमा बैंकको मुनाफा एक अर्ब ७२ करोड आठ लाख ७५ हजार रुपैयाँ थियो।
एभरेष्ट बैंकले गत आर्थिक वर्षको असार मसान्तसम्म आउँदा दुई अर्ब ५४ करोड ६० लाख ५९ हजार रुपैयाँ मुनाफा आर्जन गरेको छ। बैंकको नाफा अघिल्लो आर्थिक वर्षको भन्दा ४३.७७ प्रतिशतले धेरै हो। अघिल्लो आर्थिक वर्षमा बैंकले एक अर्ब ७७ करोड नौ लाख ३९ हजार रुपैयाँ खुद मुनाफा आर्जन गरेको थियो।
स्ट्याण्डर्ड चार्टर्ड बैंकले गत आव दुई अर्ब २६ करोड ९८ लाख ५५ हजार रुपैयाँ खुद नाफा आर्जन गरेको छ। बैंकको नाफा अघिल्लो आर्थिक वर्षको यसै अवधिको भन्दा ६२.२७प्रतिशतले धेरै हो। अघिल्लो आर्थिक वर्षको सोही अवधिमा बैंकले एक अर्ब ३९ करोड ८८ लाख ३५ हजार रुपैयाँ मुनाफा आर्जन गरेको थियो।
सिटिजन्स बैंकले गत आर्थि वर्षको चौथो त्रैमाससम्म आउँदा दुई अर्ब २५ करोड ११ लाख ७१ हजार रुपैयाँ नाफा आर्जन गरेको छ। बैंकको नाफा अघिल्लो आर्थिक वर्षको यसै अवधिकोभन्दा २४.७६ प्रतिशतले बढेको हो। अघिल्लो आर्थिक वर्षको यसै अवधिमा बैंकले एक अर्ब ८० करोड ४३ लाख ४१ हजार रुपैयाँ मुनाफा आर्जन गरेको थियो।
माछापुच्छ्रे बैंकले गत आर्थिक वर्षको असारम सान्तसम्म आउँदा दुई अर्ब १६ करोड नौ लाख रुपैयाँ खुद मुनाफा आर्जन गरेको छ। बैंकको मुनाफा अघिल्लो आर्थिक वर्षकोभन्दा ३४.४३ प्रतिशतले बढेको हो। अघिल्लो आर्थिक वर्षमा बैंकले एक अर्ब ६० करोड ७४ लाख ७३ हजार रुपैयाँ नाफा आर्जन गरेको थियो।
सनराईज बैंकले गत आर्थिक वर्षको असारमसान्तसम्म आउँदा दुई अर्ब १५ करोड ९ लाख ९४ हजार रुपैयाँ खुद मुनाफा आर्जन गरेको छ। बैंकको खुद मुनाफा अघिल्लो आर्थिक वर्षको यसै अवधीको भन्दा ४८.७० प्रतिशतले धेरै हो। अघिल्लो आर्थिक वर्षको यसै अवधिमा बैंकले एक अर्ब ४४ करोड ६५ लाख ५० हजार रुपैयाँ मुनाफा आर्जन गरेको थियो।
नेपाल क्रेडिट एण्ड कमर्सियल बैंक (एनसीसी) ले गत आर्थिक वर्षमा दुई अर्ब दुई करोड २२ लाख २२ हजार रुपैयाँ मुनाफा आर्जन गरेको छ। बैंकको मुनाफा अघिल्लो आर्थिक वर्षको तुलनामा ५१.९८ प्रतिशतले धेरै हो। अघिल्लो आर्थिक वर्षमा बैंकले एक अर्ब ३३ करोड ६ लाख २५ हजार रुपैयाँ मुनाफा आर्जन गरेको थियो।
लक्ष्मी बैंकले चालु आवको अन्त्यसम्म आउँदा एक अर्ब ६० करोड ३५ लाख ७१ हजार रुपैयाँ खुद मुनाफा आर्जन गरेको छ। बैंकको मुनाफा अघिल्लो आर्थिक वर्षको यसै अवधीको भन्दा १.७६ प्रतिशतले धेरै हो । अघिल्लो आर्थिक वर्षमा बैंकले एक अर्ब ५७ करोड ५७ लाख ६१हजार रुपैयाँ खुद मुनाफा आर्जन गरेको थियो।
गत आर्थिक वर्षको असार मसान्तसम्म मेगा बैंकले दुई अर्ब ८३ करोड १८ लाख ६४ हजार रुपैयाँ मुनाफा कमाएको छ। बैंकको मुनाफा अघिल्लो आर्थिक वर्षकोभन्दा २१.७८ प्रतिशत धेरै हो।
अघिल्लो आर्थिक वर्षको यसै अवधिमा बैंकले दुई अर्ब ३२ करोड ५४ लाख ९२ हजार रुपैयाँ मुनाफा आर्पन गरेको थियो।
गत आवको असारमसान्तसम्म नेपाल बैंक लिमिटेडले तीन अर्ब २६ करोड ६० लाख ८५ हजार रुपैयाँ मुनाफा आर्जन गरेको छ। बैंकको मुनाफा अघिल्लो आर्थिक वर्षको यसै अवधीकोभन्दा १०.२९ प्रतिशतले धेरै हो। अघिल्लो आर्थिक वर्षको यसै अवधिमा बैंकले दुई अर्ब ९६ करोड १२ लाख ३० हजार रुपैयाँ खुदमुनाफा आर्जन गरेको थियो ।
गत आवको असारमसान्तसम्म बैंक अफ काठमाडौंले एक अर्ब ८१ करोड दुई लाख ७६ हजार रुपैयाँ मुनाफा आर्जन गरेको छ। बैंकको मुनाफा अघिल्लो आर्थिक वर्षको यसै अवधीको तुलनामा ४.८६ प्रतिशतले धेरै हो । अघिल्लो आर्थिक वर्षको यसै अवधिसम्म आउँदा बैंकले एक अर्ब ७२ करोड ६४ लाख नौ हजार रुपैयाँ मुनाफा कमाएको थियो।
खुद मुनाफा घटेका बैंकहरु
सञ्चालनमा रहेका २६ वाणिज्य बैंकहरुमध्ये अघिल्लो आवको तुलनामा गत आवमाा ३ बैंकको खुद मुनाफा घटेको छ। जसमा सानिमा बैंक, हिमालयन बैंक र कृषि विकास बैंक छन्। कृषि विकास बैंकको खुद नाफा अघिल्लो आवको भन्दा २३.७४प्रतिशतले घटेर गत आवमाा २ अर्ब ६९ करोड ५७ हजार रुपैयाँमा सीमित भएको छ।
अघिल्लो आर्थिक वर्षमा यस बैंकको खुद मुनाफा तीन अर्ब ५२ करोड ७५ लाख ३६ हजार रुपैयाँ थियो। हिमालयन बैंकको खुद नाफा अघिल्लो आवको तुलनामा १७.२२ प्रतिशतले घटेर गत आवमा २ अर्ब ४८ करोड २१ लाख ३६ हजार रुपैयाँमा सीमित भएको छ। अघिल्लो आर्थिक वर्षमा यस बैंकको खुद मुनाफा दुई अर्ब ९९ करोड ८६ लाख २३ हजार रुपैयाँ थियो।
सानिमा बैंकको खुद नाफा अघिल्लो आवको तुलनामा गत आवमा १.०७ प्रतिशतले घटेर २ अर्ब २९ करोड २९ लाख ९ हजार रुपैयाँमा सीमित भएको छ। अघिल्लो आर्थिक वर्षमा बैंकको मुनाफा दुई अर्ब ३१ करोड ७८ लाख २१ करोड रुपैयाँ थियो।
२६ वाणिज्य बैंकको स्प्रेड दर (प्रतिशतमा)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
