काठमाडौं– साताको दाेस्राे कारोबार दिन साेमबार सेयर बजार परिसूचक नेपाल स्टक एक्सचेञ्ज (नेप्से) घटेकाे छ।
आज बजार ८ अंकले घट्दै बन्द भएको हो।
आज कारोबार रकम पनि घटेको छ। अघिल्लो दिन ९ अर्बको कारोबार भएकोमा आज ६ अर्बको मात्रै सेयर कारोबार भएको हो।
७२ कम्पनीको मूल्य बढ्दा १७२ को घट्यो भने ५ को स्थिर रह्यो । समूहगत सूचकमा मिश्रित प्रतिक्रिया देखिएको छ ।
बैंकिङ ०.२२, फाइनान्स ०.१२, हाइड्रोपावर १.०५, लगानी ०.७०, जीवन बीमा १.०५, माइक्रोफाइनान्स ०.६३, निर्जीवन बीमा ०.०१ प्रतिशत घटे । त्यस्तै व्यापार ०.९३, अन्य ०.४२, उत्पादन तथा प्रशोधन ०.२५, होटल तथा पर्यटन ०.०१ र विकास बैंक ०.११ प्रतिशत बढे ।
दुई कम्पनी मुक्तिनाथ कृषि कम्पनी र एक्सल डेभलपमेन्ट बैंकको मूल्य १० प्रतिशत बढ्यो । त्यस्तै मूल्य धेरै बढ्ने अरु धितोपत्रमा डिबेन्चर अगाडि रहे ।
इस्टर्न हाइड्रोपावरको मूल्य सबैभन्दा धेरै १० प्रतिशत घट्यो । सामुदायिक लघुवित्तको ७.३७, क्रेस्ट माइक्रोलाइफ इन्स्योरेन्सको ५.९२ पिपुल्स हाइड्रोपावरको ४.६८ तथा उन्नति सहकार्य लघुवित्तको ४.५५ प्रतिशत मूल्य घट्यो ।
आज धेरै कारोबार भएका पाँच कम्पनीमा शिवम् सिमेन्ट, एनआरएन इन्फ्रास्ट्रक्चर, राधि विद्युत्, सिनर्जी पावर र युनियन हाइड्रोपावर छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
