काठमाडौं– भारतले पहिलो पटक महिला एकदिवसीय विश्वकपको उपाधि जितेको छ।
दीप्ती शर्मा र शफाली वर्माको बलियो अलराउन्ड प्रदर्शनमा भारतले आइतबार सम्पन्न फाइनल खेलमा दक्षिण अफ्रिकाको चुनौती ५२ रनले पन्छायो।
अन्तर्राष्ट्रिय क्रिकेटका दुबै फम्र्याट (एकदिवसीय र ट्वान्टी–२०)मा भारतीय महिला टोलीको यो पहिलो विश्वकप उपाधि हो।
भारतले यसअघि सन् २०१७ मा एकदिवसीय र २०२० मा ट्वान्टी–२० फाइनलमा पराजय बेहोरेको थियो । त्यस्तै २०१८ र २०२३ को ट्वान्टी–२० विश्वकपमा टोली सेमिफाइनलमै रोकिएको थियो। अन्ततः लामो प्रतीक्षापछि भारतले विश्वकपको सपनालाई साकार पारेको हो।
नवी मुम्बईस्थित डीवाई पाटिल रंगशालामा टस हारेर ब्याटिङको निम्तो पाएको भारतले ५० ओभरको समाप्तिमा ६ विकेट गुमाउँदै २९८ रनको योगफल खडा गरेको थियो।
भारतका लागि शफाली वर्मा र दीप्ती शर्माले अर्धशतकीय पारी खेले। शफालीले स्मृति मन्धनासँग मिलेर पहिलो विकेटका लागि १०४ रनको साझेदारी गरेका थिए।
यसबाहेक विकेटकिपर ऋचा घोशले ३४ रनको योगदान गरिन्।
जवाफी ब्याटिङ गरेको दक्षिण अफ्रिका २४६ रनमा अल–आउट भयो। दक्षिण अफ्रिकाका लागि ओपनर तथा कप्तान लौरा वोल्वार्ड्टको १०१ रनको पारी खेलेकी थिइन्। सातौं विकेटसम्म क्रिजमा रहेकी वोल्वार्ड्टले टोलीलाई पहिलो विश्वकप उपाधिसम्म डोर्याउन भने सकिनन्।
दिप्तीले दक्षिण अफ्रिकाका पाँच खेलाडीलाई पेभिलियनको बाटो देखाइन्। ४२औं ओभरको पहिलो बलमा दिप्तीले नै वोल्वार्ड्टको विकेट लिँदै भारतलाई जित दिलाउन सफल भइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788878240.jpeg)
-1786602170.png)
