काठमाडौं– नेकपा एमालेका अध्यक्ष केपी शर्मा ओलीले प्रधानन्यायाधीश (हाल निलम्बित) चोलेन्द्र शमशेर राणालाई सत्ता गठवन्धनले खेलौना बनाएको टिप्पणी गरेका छन्। चोलेन्द्रविरुद्ध संसद सचिवालयमा दर्ता गरिएको महाअभियोगको प्रस्ताव पारित गराउनका लागि नल्याइएको ओलीको भनाइ छ।
नेकपा एमालेको उपत्यका विशेष प्रदेश कमिटीले आयोजना गरेको रणनीतिक विशेष कार्यशालालाई शुक्रबार सम्बोधन गर्दै ओलीले भने, ‘सत्ता गठबन्धन सर्वोच्च आदलतका प्रधानन्यायाधीशमाथि महाभियोग लगाउँछ, अनि उक्त प्रस्ताव ६ महिनासम्म एक पाइला अघि वढाउँदैन। प्रधानन्यायाधीश माथिको महाअभियोग खेलानौ हो?’
एमाले अध्यक्ष ओलीले सभामुख अग्निप्रसाद सापकोटाप्रति पनि कडा टिप्पणी गरे। ‘परमादेशी सत्ताको खेलौना’को रुपमा सभामुखले भूमिका खेलेको ओलीले आरोप लगाए। गठबन्धनले जे भन्यो सभामुख सापकोटाले त्यही मात्रै गर्ने गरेको पनि ओलीले आरोप लगाए।
‘आफ्नो टेवलमा महाभियोग प्रस्ताव आएपछि छिनोफानो गर्न पर्दैन? यसमा आफ्नो पक्षमा हुँदैन भन्दैमा सत्ता गठवन्धनको इसारामा छिनोफानो नगर्ने कार्य सभामुखले गर्न मिल्छ?’ ओलीले भने।
अध्यक्ष ओलीले अदालतको भूमिकामाथि पनि टिप्पणी गरे। आफूहरुले नागरिकतासम्बन्धी अध्यादेश ल्याउँदा कार्यान्वयन नगर्ने भन्ने अदालतले मध्यरातमा संसद् अधिवेशन अन्त्य गरेर अध्यादेश ल्याउँदा भने नदेखेको ओलीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
