काठमाडौं- अमेरिकी सदनकी सभामुख न्यान्सी पेलोसीको ताइवान भ्रमणपछि उत्पन्न तनावका विषयमा नेपालले प्रतिक्रिया दिएको छ।
परराष्ट्र मन्त्रालयको नियमित पत्रकार सम्मेलनमा ताइवानका विषयमा प्रवक्ता सेवा लम्सालले नेपाल सधैं अन्तर्राष्ट्रिय शान्तिका पक्षमा रहेको बताएकी छिन्।
यसैगरी नेपालले सदैव ‘एक चीन नीति’को समर्थन गर्दै आएको पनि उनले बताइन्। उनले भनिन्, 'दुवै देश एक–अर्काको सार्वभौमसत्ता, भौगोलिक अखण्डता र राष्ट्रिय स्वाधीनता पक्षमा छौं। नेपाल सधैं अन्तर्राष्ट्रिय शान्तिको पक्षमा रहेको छ।'
परराष्ट्रमन्त्री नारायण खड्काको चीन भ्रमणमा यस विवादबारे कुनै छलफल नहुने उनले स्पष्ट पारेकी छिन्। उनले नेपालले अहिले यसलाई नजिकबाट नियालिरहेको बताइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
