काठमाडौं– मंकिपक्सका संक्रमित बढेपछि अमेरिकामा जनस्वास्थ्य संकठकालको घोषणा गरिएको छ।
अमेरिकी सरकारले बिहीबार सो घोषणा गरेको हो। त्यहाँको स्वास्थ्य तथा मानवीय सेवा विभागले सो घोषणा गरेको हो।
उक्त विभागका तर्फबाट बिहीबार आयोजना गरिएको पत्रकार सम्मेलनमा अमेरिकामा मंकिपक्सको अवस्था दिन प्रतिदिन बढ्दै गएपछि सो घोषणा गरिएको बताइएको थियो।
विश्व स्वास्थ्य संगठनले मंकिपक्सलाई विश्वव्यापी समस्याका रुपमा घोषणा गरेको एक हप्तापछि अमेरिकाले पनि आफ्नो देशमा जनस्वास्थ्य संकटकाल घोषणा गरेको हो।
अमेरिकामा बिहीबारसम्ममा छ हजार ६०० जनामा यो संक्रमण देखिएको बताइएको थियो। पत्रकार सम्मेलनमा दिइएको जानकारीअनुसार विश्वमा हाल देखा परेको मंकिपक्सको संक्रमणमध्ये अमेरिकामा मात्र २५ प्रतिशत पाइएको हो।
विश्वका कैयौं देशमा मंकिपक्सको संक्रमण देखिएको छ। विश्वमा हाल २५ हजार ८०० जनामा यो संक्रमण पाइएको बताइएको छ।
अहिले पनि विश्वका कतिपय देशहरुमा यसको संक्रमण दिन प्रतिदिन बढ्दै गएका समाचारहरु आइरहेका छन्। अमेरिकाका न्युयोर्क, क्यालिफोर्निया र इलिनोइसमा यो सङ्क्रमणका बढी संक्रमितहरु पाइएका बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778309656.png)
-1764146706.png)
