काठमाडौं– जनमत पार्टीका अध्यक्ष सिके राउत सप्तरी क्षेत्र नम्बर २ बाट प्रतिनिधि सभा चुनाव लड्ने भएका छन्। उक्त पार्टीको केन्द्रीय कमिटी बैठकले राउतलाई उक्त क्षेत्रमा चुनाव लडाउने निर्णय गरेको नेता बिपी साहले जानकारी दिए।
साहका अनुसार बिहीबार बसेको केन्द्रीय कमिटी बैठकले अध्यक्ष राउतलाई उक्त क्षेत्रबाट प्रतिष्पर्धा गराउने तय गरेको हो।
उक्त क्षेत्रबाट गत निर्वाचनमा जसपा अध्यक्ष उपेन्द्र यादव निर्वाचित भएका थिए। यादवले सोही क्षेत्रबाट निर्वाचन लड्ने तयारी गरिरहँदा राउतले चुनौती दिने भएका हुन्।
स्थानीय तहको निर्वाचनमा राउतको घर भएको महादेवा गाउँपालिकाको वडानम्बर-२ मा जनमत विजयी भएको थियो। उनको गृहपालिकामा भने लोकतान्त्रिक समाजावादी पार्टी विजयी भएको छ। स्थानीय तह निर्वाचनको परिणामअनुसार उक्त पालिकामा जसपा कमजोर देखिन्छ।
अर्को छिन्नमस्ता गाउँपालिकामा पनि लोसपाले नै जितेको छ। जसपाले सदरमुकाम राजविराज नगरपालिका मात्रै जितेको छ। अर्को पालिका तिलाठी-कोइलाडी गाउँपालिकामा कांग्रेस विजयी भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
