राष्ट्रिय सहकारी बैंकले बनायो ३ अर्बको तरलता व्यवस्थापन कोष

अर्थ समाचार

नेपाल लाइभ बिहीबार, साउन १९, २०७९ २१:५६

काठमाडौं–सहकारी क्षेत्रमा देखिएको तरलता व्यवस्थापनमा सहयोग गर्ने उद्देश्यका साथ राष्ट्रिय सहकारी बैंक लिमिटेडले ३ अर्बको तरलता व्यवस्थापन कोष स्थापना गरेको छ।

बैंकको सञ्चालक समितिको साउन १९ मा सम्पन्न सञ्चालक समितिको बैठकले सहकारी क्षेत्रमा देखिएको तरलता व्यवस्थापनमा बैंकका तर्फबाट सहयोग तथा समन्वय गर्नका लागि कोष स्थापना गर्ने निर्णय गरेको बैंकका अध्यक्ष केबी उप्रेतीले जानकारी दिएका छन्।

बैंकमा आबद्ध भएर कारोबार गरिरहेका र तरलता व्यवस्थापनका कारण समस्यामा परेका सहकारीहरुलाई तत्काल समन्वय गरी संकटबाट जोगाउनका लागि बैंकका सञ्चालक रामहरि बजगाईको संयोजकत्वमा बैंकका ७ वटै प्रदेशका संयोजक र प्रमुख कार्यकारी अधिकृत बद्रीकुमार गुरागाइ सदस्य रहेको समस्याग्रस्त सहकारी व्यवस्थापन कार्यदलसमेत गठन गरेको छ।

सहकारीमा देखिएका समस्या समाधानका लागि जुन प्रदेशमा समस्या आउछ, त्यही प्रदेशको संयोजक सदस्य रहने गरी गठित कार्यदलले सहकारीमा देखिने समस्याको समाधानका लागि तत्काल समन्वय गर्ने अध्यक्ष उप्रेतीले जानकारी दिए।

सहकारी क्षेत्रमा देखिएका समस्याको पहिचान गरी सहकारी संघ संस्थाहरुले काम गर्दै गर्दा आइपर्ने समस्या समाधानका लागि बैंकका तर्फबाट समन्वय गर्ने र आवश्यकताका आधारमा तत्काल सहयोग समेत गर्ने गरी कोष स्थापना गरिएको बैंकका प्रमुख कार्यकारी अधिृकत गरागाईले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

हाम्रै सहयोगमा प्रधानमन्त्री बनेका प्रचण्डले हामीमाथि नै शासन गर्न चाहन्थे : महासचिव पोखरेल

वुमन्स च्याम्पियनसिप: नेपाल उपविजेतामै सिमित, म्यानमारसँग २–० गोलले पराजित

दुई मिनेटको अन्तरालमा म्यानमारद्वारा नेपालको पोष्टमा दुई गोल