राष्ट्रिय सहकारी बैंकले गर्‍यो ‘कोप कार्ड’ सेवाको सुरुवात

अर्थ समाचार

नेपाल लाइभ बिहीबार, साउन १९, २०७९ २१:४७

काठमाडौं–राष्ट्रिय सहकारी बैंकले सहकारीहरूका लागि ‘कोप कार्ड’ सेवा सुरु गरेको छ। स्मार्टच्वाइस टेक्नोलोजीज लिमिटेड, राष्ट्रिय सहकारी बैंक लिमिटेड र ग्लोबल आइएमई बैंक लिमिटेडले बिहीबार सहकारीहरूका लागि ‘कोप कार्ड’ शुभारम्भ गरेका हुन्।

बिहीबार काठमाडौंमा राष्ट्रिय सहकारी बैंक लिमिटेडको २० औँ स्थापना दिवसको अवसरमा आयोजित एक कार्यक्रमबिच ‘कोप कार्ड’ सेवा शुभारम्भ गरिएको हो। केही समय अघिदेखि एससीटीले एक सयभन्दा बढी सहकारीहरूलाई कार्ड सेवा दिइसके पनि यसलाई अझ बढी प्रभावकारी बनाउन र सहकारीका सबै सदस्यलाई सेवा पुर्‍याउन राष्ट्रिय सहकारी बैंक लिमिटेडको सहकार्यमा बैंकमा आबद्ध सम्पूर्ण सहकारीहरूलाई एउटै ब्राण्डको ‘कोप कार्ड’ जारी गर्न लागिएको हो।

नेपाल राष्ट्र बैंकको नीति तथा निर्देशन अनुरूप स्मार्टच्वाइस टेक्नोलोजीज समग्र भुक्तानी प्रणालीमा र विद्युतीय कारोबारमा एटीएम कार्ड, स्मार्ट कार्ड र मोबाइल बैंकिङमार्फत् सेवा दिँदै आएको छ। अहिलेसम्म बैंक तथा वित्तीय संस्थाहरूलाई मात्रै सुविधा पुर्‍याउँदै आएकोमा हाल बढ्दै गएको सहकारीको भूमिका र कारोबार समेतलाई मध्यनजर गर्दै सहकारीहरूले पनि न्यूनतम लागतमा सहजै एटीएम कार्ड जारी गर्न सक्ने प्रविधि र प्रक्रिया मिलाइएको छ।

यसरी प्रदान गर्ने कार्ड अन्तर्राष्ट्रियस्तरको चिप कार्ड र कन्ट्राक्टलेस प्रविधिमा आधारित हुने र नेपाल तथा भारतका एटीएम, पीओएस जुनसुकै स्थानबाट सहजै चलाउन सकिने जनाइएको ‘कोप कार्ड’ ग्लोबल आइएमई बैंकको प्रायोजनमा राष्ट्रिय सहकारी बैंकमार्फत् सहकारीहरूले जारी गर्नेछन् ।

यस सहकार्यपश्चात् सम्पूर्ण सहकारीहरूले सजिलै राष्ट्रिय सहकारी बैंक लिमिटेडमा सम्पर्क गरी ‘कोप कार्ड’ जारी गर्न सक्ने राष्ट्रिय सहकारी बैंक लिमिटेडको प्रमुख कार्यकारी अधिकृत बद्रीकुमार गुरागाईँले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वुमन्स च्याम्पियनसिप: नेपाल उपविजेतामै सिमित, म्यानमारसँग २–० गोलले पराजित

दुई मिनेटको अन्तरालमा म्यानमारद्वारा नेपालको पोष्टमा दुई गोल

बादलले नैतिक धरातलबाट गिरेर जनयुद्ध हिंसा हो भने : देवेन्द्र पौडेल