काठमाडौं– सत्तारुढ गठबन्धनको बैठक बालुवाटारमा जारी रहेको छ। प्रधानमन्त्री शेरबहादुर देउवाले निर्वाचनको मिति घोषणाका बारेमा छलफल गर्न बैठक दिउँसो ३ बजे बोलाएका थिए।
प्रधानमन्त्रीका प्रेस सल्लाहकार गोविन्द परियारका अनुसार बैठकमा प्रतिनिधि सभा र प्रदेश सभाको चुनावबारे छलफल भइरहेको छ।
बैठकमा नेपाली कांग्रेस नेताहरु, नेकपा माओवादी केन्द्र अध्यक्ष पुष्पकमल दाहालसहितका नेता, नेकपा एकीकृत समाजवादीका अध्यक्ष माधवन नेपाल, जनता समाजवादी पार्टी र राष्ट्रिय जनमोर्चाका शीर्ष नेताहरुको सहभागिता रहेको छ।
निर्वाचन आयोगले यसअघि मंसिर २ गते निर्वाचनको मिति सिफारिस गरेको थियो। सत्तारुढ गठबन्धनभित्र मंसिर ४ गते निर्वाचन गर्नुपर्ने कुरा उठ्दै आएको छ। बिहीबार नियमित मन्त्रिपरिषद् बैठकबाट निर्वाचनको मिति घोषणा गर्ने तयारी स्वरुप मन्त्रिपरिषदको बैठक बोलाइएकाले त्यसको तयारी स्वरुप प्रधानमन्त्रीले गठबन्धनका नेताहरुसँग छलफल गरेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763284556.png)
