सोमबार एकैदिन ८९५ जनामा कोरोना पुष्टि, १ जनाको मृत्यु

कोरोना अपडेट

नेपाल लाइभ सोमबार, साउन १६, २०७९ १६:०१

काठमाडौं– नेपालमा सोमबार एकैदिन ८९५ जनामा कोरोना संक्रमण पुष्टि भएको छ। यस्तै, २४ घण्टामा १ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जानकारी दिएको छ।

गत २४ घण्टामा एन्टिजेन र पीसीआर विधिबाट ५ हजार ९०९ जनाको नमूना परीक्षण गर्दा ८९५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।

मन्त्रालयका अनुसार ३ हजार ६८५ जनाको पीसीआर परीक्षण गर्दा ६३२ जनामा संक्रमण पुष्टि भएको हो। यस्तै, २ हजार २२४ जनाको एन्टिजेन परीक्षण गर्दा २६३ जनामा पोजेटिभ देखिएको मन्त्रालयले जानकारी दिएको छ।

एन्टिजेन परीक्षणको नतिजामा एसएमएस र ईमेलबाट प्राप्त विवरण समेत समावेश गरिएको मन्त्रालयले जानकारी दिएको छ।

थप ८९५ जनामा संक्रमण पुष्टि भएपछि सक्रिय संक्रमितको संख्या ४ हजार ९३४ पुगेको छ। २४ घण्टाको अवधिमा २६४ जना संक्रमित संक्रमण मुक्त (निको) भएका मन्त्रालयले जानकारी दिएको छ।

पछिल्लो २४ घण्टाको अवधिमा कोरोना संक्रमणबाट १ जनाको मृत्यु भएको मन्त्रालयले जानकारी दिएको छ। नेपालमा हालसम्म कोरोना संक्रमणबाट मृत्यु हुनेको संख्या ११ हजार ९६८ पुगेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानलाई पदमुक्त गर्ने सरकारको निर्णयमा अन्तरिम आदेश दिन अस्वीकार

प्रधानमन्त्री ओली र म्यान्मारका प्रधानमन्त्री हलिङबीच भेटवार्ता

प्रधानमन्त्री ओली र भुटानी समकक्षीबीच भेटवार्ता