काठमाडौं- आइतबार दिउँसो ३ बजेका लागि तय गरिएको माओवादी केन्द्रको स्थायी कमिटी बैठक स्थगित भएको छ। स्थायी समितिका एक सदस्यका अनुसार पार्टी कार्यालय पेरिसडाँडामा बस्ने बैठक मुख्यगरी अर्थमन्त्रीको विषयमा छलफल हुने तय थियो।
अर्थमन्त्रीबारे निर्णय गर्ने भनिए पनि त्यसअघि नै अध्यक्ष पुष्पकमल दाहाल प्रचण्डले जनार्दन शर्मालाई नै पुनर्नियुक्ति गर्ने निर्णय लिएपछि बैठक स्थगित भएको उनले बताए।
आर्थिक वर्ष २०७९/८० को बजेट निर्माण गर्दा अनधिकृत व्यक्तिलाई प्रवेश गराएको आरोप लागेर विवादित भएपछि उनले गत असार २२ गते प्रतिनिधि सभाबाट राजीनामाको घोषणा गरेका थिए।
शर्मामाथि छानबिन गर्न गठित संसदीय छानबिन समितिले गत शुक्रबार शर्मालाई 'क्लिन चिट' दिँदै प्रतिनिधि सभासमक्ष प्रतिवेदन पेस गरेको थियो। शर्मामाथि लागेको आरोप प्रमाणित नभएपछि उनलाई नै पुनः अर्थमन्त्रालयको जिम्मेवारी दिने तयारी अघि बढेको हो। शर्माले आजै शपथ लिने सम्भावना छ।
प्रधानमन्त्रीको रुपमा देउवाले शपथ खाएकै दिन अर्थात् २०७८ असार २९ देखि शर्माले अर्थ मन्त्रालय सम्हालेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
