काठमाडाैं-नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड’ ले निर्वाचनअघि अब समाजवादी केन्द्र नबन्ने स्पष्ट पारेका छन्। प्रेस सेन्टर नेपालको केन्द्रीय समिति बैठकलाई शु्क्रबार सम्बाेधन गर्दै अध्यक्ष दाहालले यस्तो टिप्पणी गरेका हुन्।
केही समयदेखि माओवादी अध्यक्ष दाहाल, एकीकृत समाजवादीका अध्यक्ष माधवकुमार नेपाल, जसपा अध्यक्ष उपेन्द्र यादव, पूर्वप्रधानमन्त्री बाबुराम भट्टराई र बामदेव गौतमले बैठक गर्दै आएका छन्। उनीहरुले एकता केन्द्र बनाएर वामपन्थी दलको विकल्प तयार गर्ने भन्दै आएका थिए।
अध्यक्ष दाहालले केहीले समाजवादी केन्द्र बनाउने कुरा गरे पनि बैठकमा त्यस विषयमा पर्याप्त छलफल नभएको बताए।
‘केही–केही साथीहरुले समाजवादी केन्द्रको कुरा उठाउनु भएको हो, तर हाम्रा बैठकहरुमा समाजवादी केन्द्र तत्काल बन्ने भन्ने कुरा भएको होइन,’ उनले भने, ‘चुनावी मोर्चा बनाउने र पार्टी एकता संयोजन समिति भएर एउटै घोषणापत्र बनाउन सकिन्छ कि भन्ने छलफल चलेको हो। टुंगिसकेको छैन।’
उनले अबको प्रतिनिधि सभा र प्रदेश सभा निर्वाचनमा यही गठबन्धन कायम रहने बताए।
‘निर्वाचनसम्म यही गठबन्धन जान्छ र हामीले यसैबाट देशमा राजनीतिक स्थायित्व र विकास ल्याउनुछ,’ उनले भने, ‘गठबन्धनको विकल्प खोजि हुँदैन। निर्वाचनपछि एकता केन्द्र बन्नसक्छ।’ उनले अर्थमन्त्री रहेका जनार्दन शर्माले राम्रो बजेट ल्याएका कारण आलोचना भएको टिप्पणी गरे। तर छानबिनले उनलाई निर्दोष देखाएको भन्दै माओवादीहरु आफ्नो कामको प्रचार गर्न नसक्ने भएको दाबी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786602170.png)
