काठमाडौं– शुक्रबारबाट सिनेमा हलमा एक नेपाली फिल्मसँगै दुई हिन्दी फिल्म प्रदर्शनमा आएका छन्।
खगेन्द्र लामिछानेको निर्देशनमा बनेको ‘पानीफोटो’सँगै दुई हिन्दी फिल्म ‘बिक्रान्त रोना’ र ‘एक भिलेन रिटर्न्स’ आजबाट हलमा प्रदर्शनमा आएका छन्।
खगेन्द्र लामिछानेको लेखन तथा निर्देशनमा बनेको नेपाली फिल्म ‘पानीफोटो’मा जनयुद्धको सेरोफेरोको कथा समेटिएको छ। अनुप बराल, मनेका प्रधान, मलिका महत र स्वयः निर्देशक लामिछानेलगायतका कलाकारको अभिनय रहेको फिल्ममा जनयुद्धमा आफ्नो छोरा बेपत्ता भएका एक दम्पत्तीको कथा समेटिएको छ।
त्यस्तै, आजबाट दुई हिन्दी फिल्म पनि प्रदर्शनमा आएका छन्। किच्चा सुदिपको मुख्य अभिनय रहेको फिल्म ‘बिक्रान्त रोना’ र जोन अब्रहामको मुख्य भूमिका रहेको ‘एक भिलेन रिटन्र्स’ पनि आजबाटै हलमा प्रदर्शनमा आएका छन्।
अनुप भण्डारीको निर्देशनमा बनेको ‘बिक्रान्त रोना’मा किच्चा सुदिपसँगै निता अशोक, ज्याकलिन फर्नान्ज, निरुप भण्डारी लगायतको अभिनय छ। कन्नड भाषाको यो फिल्म हिन्दीसँगै अन्य भाषामा पनि प्रदर्शनमा आएको हो।
त्यस्तै, जोनको ‘एक भिलेन रिटन्र्स’ ०१४ मा प्रदर्शनमा आएको फिल्म ‘एक भिलेन’को सिक्वेल हो। फिल्मलाई मोहित सुरिले निर्देशन गरेका छन् भने फिल्ममा जोनसँगै तारा सुतरैया, दिशा पठानी, अर्जुन कपुर, आदित्य रोय कपुरलगायतको अभिनय रहेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
