तिनकुनेकाे स्काइ वर्ल्ड सर्भिस सेन्टरमा प्रहरीको छापा, एक चिनियाँ, दुई भारतीय र ३३ नेपाली पक्राउ

सुरक्षा/अपराध

नेपाल लाइभ सोमबार, साउन ९, २०७९ १९:५३

काठमाडौं–प्रहरीले तिनकुनेस्थित स्काइ वर्ल्ड सर्भिस सेन्टरबाट चिनियाँ तथा भारतीयसहित ३३ जनालाई पक्राउ गरेको छ। जिल्ला प्रहरी परिसर काठमाडौं र मातहत नगर प्रहरी कार्यालय, प्रहरी वृत्तहरुसमेतबाट खटिएको प्रहरी टोलीले उनीहरुलाई पक्राउ गरेको हो।

पक्राउ पर्नेमा १ चिनियाँ, २ भारतीय र ३३ नेपाली छन्। उक्त सेन्टरमा अवैध कामदार राखी सूचनाका विभिन्न प्रकारका प्रविधिमार्फत् धाकधम्की दिई व्यक्तिगत गोपनीयता ह्याकिङ गरी रकमको मोलमोलाई गर्ने र समाजमा उच्छृंखल गतिविधि गरिरहेको अवस्थामा उनीहरुलाई पक्राउ गरिएको प्रहरीले जनाएको छ।

पक्राउ परेकामा उक्त सेन्टरका व्यवस्थापन प्रमुख ४३ वर्षीय चिनियाँ नागरिक हु युह्वा, भारतको उत्तर प्रदेशका २६ वर्षी मनोज सैनी र उत्तर प्रदेशकै १९ वर्षीया नेहा गुप्ता छन्। नेपालीनागरिकमा २८ पुरुष र ५ महिला छन्।

उक्त सेन्टरबाट ८ लाख २९ हजार नगद, ल्यापटप ३६२ थान, डेस्कटप ७४८ थान, डीभीआर १ थानलगायत बरामद गरिएको र उनीहरुमाथि थप अनुसन्धान भइरहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’