श्रीमतीको घाँटी रेटी हत्या गरि श्रीमानले गरे आत्महत्या

सुरक्षा/अपराध

नेपाल लाइभ सोमबार, साउन ९, २०७९ ०८:२७

चितवन- चितवनमा श्रीमतीको हत्या गरि श्रीमानले आत्महत्या गरेका छन्।

जिल्लाको भरतपुर महानगरपालिका वडा नं. १० रमाइलो चोकमा ३५ वर्षीया रुस्मा आचार्यका श्रीमान ४३ वर्षका कृष्णप्रसादले घाँटी रेटी हत्या गरेको जिल्ला प्रहरी कार्यालय चितवनले जनाएको छ।

राति १० बजे घरमा बसेर मोबाइल हेरिरहेको समयमा पछाडिबाट धारिलो हतियार प्रहार गरि कृष्णप्रसादले रुस्माको हत्या गरेको प्रहरीले जनाएको छ। श्रीमतीको उपचारका लागि पुरानो मेडिकल कलेजमा लगिएकोमा चिकित्सकले मृत घोषणा गरेका हुन्।

श्रीमतीको हत्या लगत्तै घरको छतबाट श्रीमान् कृष्णप्रसादले हाम फालेर आत्महत्या गरेका थिए। हत्यापछि उनी भाग्न खोजेको हुनसक्ने जनाइएको छ। हाम फालेपछि कृष्णप्रसादलाई अस्पताल लगिएको भए पनि चिकित्सकले मृत घोषणा गरेका थिए।

शव पोष्टमार्टमका लागि भरतपुर अस्पतालमा राखिएको छ।

लामो समय विदेश बसेर कृष्णप्रसाद हालै स्वदेश फर्किएका जनाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’