काठमाडौं– सर्वोच्च अदालतले राप्रपा नेपालका अध्यक्ष कमल थापालाई निर्वाचन चिह्न गाई दिन नसकिने भनि निर्वाचन आयोगले गरेको निर्णय कार्यान्वयन नगर्न अन्तरिम आदेश जारी गरेको छ।
न्यायाधीश आनन्दमोहन भट्टराई र कुमार चुडालको इजलासले यस्तो आदेश जारी गरेको हो। थापाले गाई चिह्न माग गर्दै असार ३० गते सर्वोच्चमा रिट दायर गरेका थिए।
निर्वाचन आयोगले थापालाई तिर चिह्न दिएको थियो। आयोगले गाई राष्ट्रिय जनावर भएको दाबी गर्दै निर्वाचन चिह्न दिन नसकिने भनेको थियो।
राप्रपासँग एकीकरण गर्नुअघि राप्रपा नेपालको निर्वाचन चिह्न गाई रहेको थियो। पछिल्लो एकता महाधिवेशनमा अध्यक्षमा पराजित भएपछि थापा अलग भएका थिए।
उनले फेरी राप्रपा नेपाल ब्यूँताएका छन्। सर्वोच्चको यो आदेशपछि अब निर्वाचन आयोगमा गाई दाबी गर्दै पुन: जाने तयारीमा राप्रपा नेपाल रहेको थापा निकट नेता राजाराम बर्तोलाले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
