नेपालबाट भारत गाँजा लैजान लागिएको ट्रकसहित सशस्त्र प्रहरीद्वारा २ जना पक्राउ

सुरक्षा/अपराध

नेपाल लाइभ शनिबार, साउन ७, २०७९ ०८:२८

निजगढ– नेपालबाट भारततर्फ लागु औषध गाँजा तस्करी गर्दै गरेको अवस्थामा सशस्त्र प्रहरी बलको टोलीले ट्रकसहित २ जनालाई नियन्त्रणमा लिएको छ।

बाराको महागढीमाई नगरपालिका–५ तेलगाउँको बाटो हुँदै भारतीय सीमातर्फ प्रवेश गर्न लागेको बा ५ ख ८०७५ नम्बरको ट्रक चेकजाँच गर्दा सशस्त्र प्रहरीको टोलीले १५० किलो (१० पोका) तयारी गाँजा फेला पारेको थियो।

ट्रकमा गाँजा फेला परेपछि सशस्त्रको टोलीले ट्रक चालक मकवानपुरको कैलाश गाउँपालिका–६ सानुलेखाका २९ वर्षीय राज कुमार रुम्बा र भारतीय नागरिक श्याम महतोलाई पक्राउ गरेको हो।

पक्राउ परेका दुवै जनालाई बरामद गाँजा र ट्रकसहित नेपाल प्रहरीको जिम्मा लगाउने तयारी भइरहेको सशस्त्र प्रहरी बलले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’