प्रधान सेनापति शर्मा आज अस्ट्रेलिया जाँदै

सुरक्षा/अपराध

नेपाल लाइभ शनिबार, साउन ७, २०७९ ०६:३१

काठमाडौं– नेपाली सेनाका प्रधान सेनापति महारथी प्रभुराम शर्मा आज (शनिबार) अस्ट्रेलिया भ्रमणमा जाँदै छन्।

अस्ट्रेलियाको सिड्नीमा आयोजना हुने रक्षा प्रमुखहरुको वार्षिक सम्मेलनमा सहभागी हुन शर्मा शनिबार त्यसतर्फ प्रस्थान गरेका लागेका सेनाको जनसम्पर्क तथा सूचना निर्देशनालयले जानकारी दिएको छ।

अस्ट्रेलियाको रक्षा बलको संयोजकत्वमा अमेरिकी सेनाको इन्डोप्यासिफिक कमाण्डले आयोजना गर्न लागेको रक्षा प्रमुखहरूको वार्षिक सम्मेलन २०२२ साउन ९ गतेदेखि ११ गतेसम्म सञ्चालन हुने छ।

उक्त सम्मेलनमा सहभागिताका लागि मन्त्रिपरिषद्‌को असार ३१ गतेको बैठकले प्रधान सेनापतिको भ्रमण स्वीकृत गरेको थियो। सो सम्मेलनमा नेपाली सेना २०५६ सालदेखि सहभागी हुँदै आएको छ।

सम्मेलनमा एसिया प्रशान्त क्षेत्रका राष्ट्रका सेना प्रमुखहरुले वर्तमान अन्तर्राष्ट्रिय सुरक्षा र सहयोगका बारेमा छलफल गर्ने नेपाली सेनाले जनाएको छ।

शनिबार अस्ट्रेलिया प्रस्थान गर्न लागेका प्रधान सेनापति शर्मालाई शुक्रबार नै जंगी अड्डामा सेनाको टुकडीले सम्मानसहित बिदाइ गरिसकेको छ।

शर्माको अनुपस्थितिमा बलाधिकृत रथी बालकृष्ण कार्कीले कामु प्रधान सेनापतिको कार्यभार समाल्नेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’