काठमाडौं– दक्षिण कोरियामा गत २४ घण्टाको अवधिमा ७६ हजार चारसय दुईजना कोभिड–१९ बाट संक्रमित भएका छन्।
योसँगै कोरियामा कोरोना संक्रमितको संख्या एक करोड ८९ लाख ३७ हजार नौसय ७१ पुगेको स्वास्थ्य अधिकारीहरूले बताएका छन्।
कोरिया डिजिज कन्ट्रोल एण्ड प्रिभेन्सन एजेन्सीका अनुसार अघिल्लो दिन ७३ हजार पाँचसय ८२ संक्रमित फेला परेका थिए। गम्भीर अवस्थाका रहेका संक्रमितको संख्या ९६ पुगेको छ।
संक्रमणबाट मंगलबार १२ जनाको मृत्यु भएको छ भने हालसम्म चौबीस हजार सातसय ७७ले यो महारोगबाट ज्यान गुमाइसकेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।