काठमाडौं– सहरी विकासमन्त्री मेटमणि चौधरीलाई गगन थापाले तीन सुझाव दिएका छन्। उनले मंगलबार मन्त्री चौधरीसँगको भेटमा ती सुझावहरू दिएका हुन्।
थापाले सामाजिक सञ्जालमामार्फत् आफ्नो सुझावहरू सार्वजनिक गर्दै मन्त्री चौधरीले सुझावलाई सकारात्मक रूपमा लिई कार्य अगाडि बढाउने प्रतिबद्धता व्यक्त गरेकोसमेत उल्लेख गरेका छन्।
यस्ता छन् थापाले चौधरीलाई दिएका तीन सुझाव:
१) काठमाडौं उपत्यका भित्रका सडकलाई पैदलयात्री मैत्री बनाउनका लागि फुटपाथ निर्माण, विस्तार, पुनः स्थापनाका लागि छुट्टै आयोजना सञ्चालन गर्ने। काठमाडौं उपत्यका प्राधिकरणले स्थानीय सरकारसँग सहकार्य गरेर यो आयोजना सञ्चालन गर्ने।
२) काठमाडौं उपत्यका विकास प्राधिकरणको ऐन संशोधन गरेर, यसको सञ्चालक समितिमा काठमाडौं उपत्यकाका सम्पूर्ण महानगर–नगरपालिकाको प्रमुख, प्रदेश सरकार र संघीय सरकारका प्रतिनिधि रहने।
यो प्राधिकरणले काठमाडौं उपत्यकाको यातायात, फोहोर, नदी प्रणाली, खानेपानी, ढल जस्ता पूर्वाधारका विषयमा एकीकृत सोच र कार्यक्रम तय गर्ने।
३) बुढानीलकण्ठ नगरपालिकाको वडा नं. १०, ११, १२ र कामनपाको वडा नं. ६ र ७ को केही भाग निरन्तर डुबानमा परिरहने समस्याको दीर्घकालीन समाधान खोज्न छुट्टै परियोजना बनाउने। अहिले गरिरहेका कामहरूलाई पनि सोही दीर्घकालीन योजनासँग जोड्ने र यो वर्ष महत्त्वपूर्ण काम सक्ने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768291693.png)
-1764146706.png)
