काठमाडौं–नेपाली कांग्रेसको भातृ संगठन नेपाल विद्यार्थी संघ (नेविसंघ) लाई पूर्णता दिनुपर्ने माग गर्दै पार्टी सभापति शेरबहादुर देउवाइतर समूहले राजधानीमा भेला गरेको छ। सभापति देउवाले नेविसंघको अध्यक्ष पदमा मात्रै मनोनयन गरेर कच्चा काम गरेको भेलाले टिप्पणी गरेको छ।
सोमबार वाल्मिकी क्याम्पस प्रदर्शनी मार्गमा भेलाको संयोजन गरेकी नेविसंघकी पूर्वकेन्द्रीय सदस्य एलिजा ढकालले नेविसंघ नेतृत्वविहीन बनेको भन्दै छिटोभन्दा छिटो पूर्णता दिन आह्वान गरिन्।
ढकालले अध्यक्ष मात्रैले सिंंगो संगठनको प्रतिनिधित्व गर्न नसक्ने बताइन्। नेपाल विद्यार्थी संघको सभापति भएर पटक–पटक पार्टी सभापतिका साथै प्रधानमन्त्री हुनुभएका देउवाले संगठनको पूर्णतामा जाँगर नदेखाएको भन्दै उनले दुःख व्यक्त गरिन्।
नेविसंघ सक्रिय नहुँदा कांग्रेसको नर्सरी बन्द भएको सम्झाउन पनि हामीले यो भेला राखेका हौं,' ढकालले भनिन्, ‘देशको ठूलो लोकतान्त्रिक दलमा आफ्नै पार्टीका कार्यकर्ताले नेतृत्वसँगै आफ्नो अधिकारका लागि लड्ने परिस्थितिले हाम्रो बुलन्द आवाज आवश्यक भएर यो भेला राखेका हौं।’
भेलामा नेविसंघका निवर्तमान महामन्त्री दीपक भट्टराई, नेविसंघ पूर्वकेन्द्रीय सदस्य एलिजा ढकाल, सुशील तिमल्सिना, पुजन गन्धर्भ, प्रतिमा भट्ट, महाधिवेशन प्रतिनिधि पुजा फुयाँल, त्रिभुवन विश्वविद्यालयका सिनेट सदस्य पंकज क्षेत्री, नेविसंघ नेता किशोर गुरुङ, जगतशंकर पौडेल, राजेश्वर कमली, प्रवीण घिमिरे लगायतको उपस्थिति थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
