काठमाडौं- भारतमा बितेका २४ घण्टामा १६ हजार ९३५ जना कोरोना संक्रमित फेला परेका छन्।
भारतको केन्द्रीय स्वास्थ्य र परिवार कल्याण मन्त्रालयलका अनुसार यसअघि एक दिनमा २० हजार पाँच सय २८ संक्रमित फेला परेका थिए। भारतमा हाल एक लाख ४४ हजार २५४ जना सक्रिय संक्रमित छन्।
यो कुल संक्रमितको ०.३३ प्रतिशत भएको जनाइएको छ। हाल भारतमा कोरोना संक्रमितको कुल सङ्ख्या चार करोड ३७ लाख ६७ भन्दा बढी पुगेको छ।
पछिल्लो एक दिनमा १६ हजार ६९ कोरोना संक्रमणमुक्त भएका छन्। योसँगै भारतमा अहिलेसम्म संक्रमणमुक्त भएकाको सङ्ख्या चार करोड ३० लाख ९७ हजार ५१० पुगेको छ। कोरोना भाइरस संक्रमण निको भएको यो दर ९८.४७ भएको जनाइएको छ।
बितेका २४ घण्टामा कोरोना संक्रमणबाट ५१ जनाको मृत्यु भएको छ। कोरोना महामारीबाट हालसम्म पाँच लाख २५ हजार ७६० जनाको मृत्यु भएको छ। माहामारी शुरु भएयता हालसम्म ८६ करोड ८८ लाखभन्दा बढीको कोरोना परीक्षण भएको छ।
भारतमा सन् २०२१ को जनवरी १६ देखि कोरोना भाइरसविरुद्ध खोप अभियान शुरु भएको हो। हालसम्म कोरोनाविरुद्ध दुई अर्ब भन्दा बढी मात्रा खोप लगाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
