हात्तीको दाह्रा तस्करी घटना : चक्रपथबाट थप एक जना पक्राउ

सुरक्षा/अपराध

नेपाल लाइभ बिहीबार, असार ३०, २०७९ १५:१३

काठमाडौं–हात्तीको दाह्रा तस्करीको घटनमा संलग्न भएको आरोपमा थप एक जना पक्राउ परेका छन्। केन्द्रीय अनुसन्धान ब्यूरो (सिआईबी)को टोलीले थप एक जनालाई पक्राउ गरेको हो।

पक्राउ पर्नेमा इलामको जितपुर–१ घर भई झपाको खुदुनावारी बस्ने २५ वर्षीय रमेश राई छन्। गत फागुन २७ गते चक्रपथको होटल ओदानबाट हात्तीको दाह्रासहित तीन पक्राउ गरिएको घटनामा उनको पनि संलग्नता खुलेपछि राईलाई पक्राउ गरिएको सिआईबीका प्रवक्ता तथा एसपी श्यामकुमार महतोले जानकारी दिए।

हात्तीको दाह्रा किनबेच हुन लागेको भन्ने सूचनाका आधारमा खटिएको टोलीले हात्तीका दुई थान दाह्रासहित होटल ओदानबाट गत फागुन २७ गते तीन जनालाई पक्राउ गरेको थियो। त्यतिबेला भीमकुमार भनिने भक्तिकुमार लिम्बू, अशोक कार्की र रमेश सुवेदी पक्राउ परेका थिए। उनीहरुबाट बरामद भएको उक्त दाह्रा १५ किलो ६८ ग्राम रहेको थियो।

हाल पक्राउ परेका राईलाई थप अनुसन्धानका लागि डिभिजन वन कार्यालय हात्तीसार पठाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू-१९ महिला विश्‍वकप : नेपाल र मलेसिया खेल्दै

सुनको मुल्य तोलामा १ हजारले बढ्यो

राप्रपा केन्द्रीय समिति बैठक आजदेखि