काठमाडौं– अभिनेता, लेखक तथा निर्देशक खगेन्द्र लामिछानेको जन्मदिनको अवसरमा उनको पहिलो डेब्यु निर्देशन रहेको फिल्म ‘पानीफोटो’को ट्रेलर सार्वजनिक भएको छ।
जनयुद्धको समयमा बेपत्ता भएको छोराको खोजीमा निस्किएको कथा भन्ने फिल्म पानीफोटोको ट्रेलरमा प्रमुख कलाकार अनुप बराल, मेनुका प्रधान, मलिका महत, खगेन्द्र लामिछाने, माओत्से गुरुङलगायत समेटिएका छन्। ट्रेलरमा छोरा बेपत्ता भएका आमाबुबा र आफन्तमा भइरहेको पीडाको प्रस्तुतिसँगै बेपत्ता भएका परिवारले भोग्नु परेको समस्याबारे नभएको न्यायिक सम्बोधनमाथि प्रश्न गरिएको देखिन्छ।
फिल्ममा अनुप र मेनुकाले श्रीमान श्रीमतीको भूमिका निभाएका छन्। उनीहरुले आफ्नो बेपत्ता छोराको खोजी गरेको कथाको वरिपरि फिल्म रहेको ट्रेलरबाट संकेत पाउन सकिन्छ।
फिल्मलाई खगेन्द्र आफैंले लेखेका हुन्। सोही नामको नाटक पनि यसअघि मञ्चन भएको थियो। निमेष श्रेष्ठको सम्पादन रहेको फिल्मलाई छायांकन भने दीपक बज्राचार्यले गरेका छन्।
मञ्जुश्री प्रोडक्सनको निर्माणमा बनेको यो फिल्म साउन १३ गते प्रदर्शनमा आउँदै छ।
&
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
