वाणिज्य बैंकहरुको निक्षेप संकलनमा उल्लेख्य सुधार, सिडि रेसियो ८८.५७ मा झर्‍यो

बैंक/बिमा/सेयर

नेपाल लाइभ मंगलबार, असार २८, २०७९ १७:३६

काठमाडौं- पछिल्लो समय वाणिज्य बैंकहरुले निक्षेप संकलन उल्लेख्य रुपमा सुधार गरेका छन्। असार लागेपछि मात्र वाणिज्य बैंकको निक्षेप संकन ९४ अर्ब रुपैयाँले बढेको छ।

गत जेठ महिनासम्म ४४ खर्ब रुपैयाँ निक्षेप संकलन गरेका बैंकहरुले असार २४ गतेसम्म आउँदा ४४ खर्ब ९४ अर्ब रुपैयाँ निक्षेप संकलन गर्न सफल भएका छन्।

यसैगरी, असार महिनामा मात्रै वाणिज्य बैंकहरुले कर्जा लगानी १९ अर्बले घटाउन सफल भएका छन्। गत जेठ ३१ गतेसम्म ४१ खर्ब ९३ अर्ब रुपैयाँ कर्जा लगानी गरेका बैंकहरुले असार २४ गतेसम्म आउँदा ४१ खर्ब ७४ अर्ब रुपैयाँ कर्जा लगानी गरेका छन्।

नेपाल राष्ट्र बैंकले वाणिज्य बैंकहरुलाई असारको अन्तिम दिनसम्म कर्जा निक्षेप अनुपात (सिडि रेसियो) ९० प्रतिशत पुर्याउन भनेको छ।

राष्ट्र बैंकको सोही नीति अनुसार बैंकहरुले कर्जा लगानीभन्दा पनि निक्षेप संकलनमा बढि जोड दिइरहेका छन्। यसकारण वाणिज्य बैंकहरुको कर्जा लगानी भन्दा निक्षप संकलन बढेको एक बैंकर बताउँछन्।

यसैगरी, पछिल्लो समय पुँजीगत खर्च पनि बढ्दो छ। यसले पनि तरलता केहि सहज हुने अनुमान ती बैंकरको छ। पुँजीगत खर्च बृद्धि भएको कारण पनि बैंकहरुको निक्षेप संकलन बढेको उनले बताए। नेपाल बैकर्स एसोसिएसनका अनुसार वाणिज्य बैंकहरुको औसत सीडी रेसियो ८८.५७ प्रतिशत रहेको छ।

असार मसान्तमा बजेट खर्च गर्ने प्रवृत्तिसँगै सरकारको पुँजीगत खर्चमा समेत वृद्धि हुँदा बैंकहरुमा निक्षेपमा वृद्धि देखिएको हो। राष्ट्र बैंकले असार २६ गतेसम्मको समग्र वित्तीय प्रणालीको सीडी रेसियो भने ८७.१४ प्रतिशतमा झरेको देखिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

शुक्रबारदेखि पुनःबदली र वर्षा हुने

पाकिस्तानः जारी सडक अवरोध र चिकित्सा सङ्कटबीच पाराचिनारमा १०० भन्दा बढी बालबालिकाको मृत्यु

आवश्यकताका आधारमा संविधान संशोधन गर्न सकिन्छ : अध्यक्ष दाहाल