धनगढी– सुदूरपश्चिम प्रदेश सभाको बैठक मंगलबार पनि स्थगित भएको छ। बिहान ११ बजे र दिउँसो ३ बजे गरी दुईपटक बोलाइएको बैठकमा सांसद्हरु उपस्थित नभएपछि स्थगित भएको हो।
प्रदेश सरकारले ल्याएको बजेट संशोधनको माग गर्दै आएको प्रमुख प्रतिपक्षी दलले मंगलबार प्रदेश सभाको बैठक नै बहिस्कार गर्यो। बिहान ११ बजे बोलाइएको बैठकमा एमालेसहित सत्ता पक्षका सांसद पनि उपस्थित नहुँदा गणपुरक संख्या पुग्न सकेन। गणपुरक संख्या नपुगेपछि दिउँसो ३ बजे बस्नेगरी बैठक स्थगित गरिएको थियो।
दिउँसो ३ बजेका लागि बोलाइएको बैठकमा पनि सांसदहरु अनुपस्थित भएपछि बुधबार बिहान ११ बजे बस्नेगरी मंगलबारको बैठक स्थगित गरिएको हो।
यसअघि सोमबार पनि बैठक स्थगित भएको थियो। सुरुमा सोमबार बिहान ११ बजे बोलाइएकोमा एमालेका सांसदहरुले बहिस्कार गर्दा स्थगित भएको बैठक अपराह्न ३ बजे बोलाइएको थियो। तर, प्रमुख प्रतिपक्षी दलका सांसदहरु उपस्थित नभएपछि अपराह्नको बैठक पनि स्थगित भएको थियो।
आगामी आर्थिक वर्ष २०७९/०८० का लागि प्रदेश सरकारले ल्याएको बजेटप्रति प्रतिपक्षीसहित सत्ता पक्षीय दलका सांसदहरुले समेत विरोध जनाएका छन्। सोमबार बसेको कार्यव्यवस्था परामर्श समितिको बैठकमा प्रतिपक्षका सांसदहरुले बजेट संशोधन गर्न आर्थिक मामिलामन्त्री प्रकाशबहादुर रावल र मुख्यमन्त्री त्रिलोचन भट्टको प्रतिबद्धता मागेका थिए।
आर्थिक मामिलामन्त्री रावलले गत असार १ गते प्रदेश सभामा प्रस्तुत गरेको बजेट संशोधन गर्नुपर्ने माग उठेको छ। तर, सरकारले भने बजेट संशोधन हुन नसक्ने जनाउँदै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788425345.png)
-1786602170.png)
-1786513116.png)
-1788425345.png)
