काठमाडौं– आफ्नो आगामी फिल्म ‘शमशेरा’को प्रचारमा व्यस्त रहेका बलिउडका अभिनेता रणवीर कपुरले आफ्नो परिवारको बारेमा नयाँ खुलासा गरेका छन्।
उनले सामाजिक सञ्जालमा सार्वजनिक भएको इन्फ्लुएन्सर डोली सिंहसँग गरेको कुराकानीमा यो खुलासा गरेका हुन्। रणविरले आफू पढाईमा राम्रो नभएको बताएका छन्।
उनले आफूले १० कक्षा उत्तिर्ण गर्दा परिवारले उत्सव मनाएको सार्वजनिक गरेका छन्। उनले भनेका छन्, ‘म आफ्नो परिवारको यस्तो केटो थिए, जसले पहिलो पटक १० कक्षा पास गरेको थियो।’
रणवीरलाई डोलीले उनको १० कक्षामा कति प्राप्तांक आएको थियो भन्ने प्रश्न सोध्दा उनले यस्तो जवाफ दिएका थिए।
रणवीरले २०१७ मा पनि आफू परिवारको सबैभन्दा धेरै पढेलेखेको व्यक्ति भएको बताएका थिए। उनले त्यत्तिबेला एक अन्तर्वार्तामा भनेका थिए, ‘मेरो परिवारको इतिहास त्यत्ति राम्रो छैन। मेरो बाबा ८ कक्षा र हजुर बुबा ६ कक्षा अनूर्तिण हुनुहुन्थ्यो। म परिवारमै सबैभन्दा धेरै पढेको व्यक्ति हुँ।’
रणवीर हाल शमशेराको प्रचारमा व्यस्त छन्। सँगै उनको आगामी फिल्म ब्रह्मास्त्रः शिवा पनि प्रदर्शनको तयारीमा छ। हाल उनी लव रञ्जनले निर्देशन गर्ने एक फिल्ममा श्रद्धा कपुरसँग पनि देखिँदै छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751885868.jpg)
-1751883072.png)
-1751793737.png)
-1749826086.png)
