बागलुङमा ठूलो परिमाणको लागू औषधसहित तीन जना पक्राउ

सुरक्षा/अपराध

नेपाल लाइभ मंगलबार, असार २१, २०७९ ०७:४०

काठमाडौं– प्रहरीले बागलुङमा ठूलो परिमाणमा लागू औषध बरामद गरेको छ। सँगै, यसमा संलग्न रहेको भन्दै प्रहरीले तीन जनालाई पक्राउ समेत गरेको छ।

पक्राउ पर्नेमा पाल्पाको साविक मदनपोखरा गाविस– ७ का ४५ वर्षका कृष्ण प्रसाद पुरी, गुल्मीको मुसिकोट नगरपालिका–५ का ३८ वर्षीय सुरथ बहादुर घिमिरे, रुपन्देहीको देवदह नगरपालिका–६ का ३३ वर्षीय लोकबहादुर थापा र दाङको लमही नगरपालिका– ७ का २५ वर्षीय शोसन चौधरी रहेका छन्।

सोमबार दिउँसो बुटवलबाट बागलुङतर्फ छुटेको लु २ ख ५३१६ नम्बरको बसमा लागू औषधको ओसारपसार भएको भन्ने विशेष सुराकीको आधारमा जिल्ला प्रहरी कार्यालय बागलुङबाट खटिएको प्रहरीले बागलुङ नगरपालिका–३ चिप्लेटी बसपार्कबाट उक्त लागू औषध बरामद गरेको हो।

बसको यात्रु आवतजावत गर्ने गल्लीमा रहेको कम्ब्याट रङको पछाडी भिर्ने झोलामा कागज र खैरो रङको प्लाष्टिक टेपले बेरिरहेको अवस्थामा फेनार्गन ९०५ एम्पुल, डाईजेपाम ९२४ एम्पुल र नुर्फिन ९१७ एम्पुल गरी २७४६ एम्पुल लागू औषध बरामद गरिएको प्रहरीले जनाएको छ।

पक्राउ परेका तीनै जनालाई बागलुङ जिल्ला अदालतबाट २० दिनको म्याद थप अनुमति लिइ थप अनुसन्धान भइरहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बीमा प्राधिकरणको अध्यक्षका लागि १२ जनाको आवदेन

रास्वपा सभापति लामिछानेको मुद्दामा थुनछेक बहस आज पनि सकिएन, आइतबार पनि जारी रहने

भारतमा रेल दुर्घटनाः ७ जना नेपालीको मृत्यु भएको पुष्टी, सरकारद्वारा दुखः व्यक्त