काठमाडौं– प्रतिस्पर्धी धेरै तर रिक्त पद थोरै भएपछि प्रहरी उपरीक्षक (एसपी)बाट प्रहरी वरिष्ठ उपरीक्षक (एसएसपी) बढुवा पेचिलो बनेको छ। रिक्त रहेको ३२ एसएसपी पदमा करिब पाँच दर्जन एसपी प्रतिस्पर्धामा छन्।
जसमा राष्ट्रिय अनुसन्धान विभाग (राअवि) बाट आएको टोलीदेखि २०५४ र २०५६ मा प्रहरी निरीक्षकमा भर्ना भएको टोली बढुवाको प्रतिस्पर्धामा छ। राअविमा २०५३ सालमा भर्ना भएर प्रहरीमा आएको टोली र २०५४ मा इन्सपेक्टर भएर २०७४ मा एसपी भएकाहरुलाई बढुवा गर्ने पक्षमा गृहमन्त्रालय रहेको छ।
२०५६ मा इन्सपेक्टर भर्ना भएर २०७५ जेठमा एसपी भएकाहरु पनि विभिन्न शक्तिकेन्द्रमार्फत् दबाब दिएर बढुवा हुन तिव्र लविङमा लागेपछि बढुवा पेचिलो बनेको स्रोतको भनाइ छ।
२०५३ पुस ५ गते राअविमा भर्ना भएर २०५८ सालमा नेपाल प्रहरीमा आएकाहरू र २०५४ चैत १८ गते प्रहरी निरीक्षक (इन्स्पेक्टर)मा भर्ना भएकाबीच प्रतिस्पर्धा हुने बताइए पनि २०५६ मा इन्सपेक्टर भर्ना र २०७५ जेठमा एसपी भएकाहरु पनि बढुवाको लविङमा लागेपछि बढुवा निकाल्न सकस भएको छ।
राअविबाट स्थानान्तरण भएर प्रहरीमा आएको समूह र २०५४ मै प्रहरी निरीक्षकमा भर्ना भएको समूह गरी अहिले ३४ जना एसपीबाट एसएसपी हुने लाइनमा छन्। तर उनीहरुसँगै २०५६ को टोली पनि बढुवामा छिर्न खाजेपछि समस्या आएको जानकार स्रोतको भनाइ छ।
बढुवाको प्रतिस्पर्धामा रहेकाहरु पहिलो नम्बरदेखि १० नम्बरसम्मका राअविकै टोली छ । उनीहरु डीएसपीबाट एसपी बढुवा हुँदा १० नम्बरसम्म राअविकै टोली बढुवा भएको थियो।
पहिलोदेखि १०औं नम्बरसम्म क्रमशः सिद्धिविक्रम शाह, सुशीलसिंह राठौर, माधवप्रसाद श्रेष्ठ, डम्बरबहादुर विक, गणेश चन्द, उमाप्रसाद चतुरवेदी, ओमबहादुर राना, सुरेन्द्रबहादुर गुरुङ, हिमालयकुमार श्रेष्ठ, विमल बस्नेत बढुवा भएका थिए।
२०५४ सालको टोलीका अधिकृतहरूको ११औं नम्बरबाट मात्रै बढुवा भएको थियो। ११ औं नम्बरमा राजन अधिकारी छन्। उनी २०५४ सालमा प्रहरी निरीक्षकमा भर्ना भएकामध्ये पहिलो नम्बरमा छन्।
त्यसैगरी क्रमश ईश्वर कार्की, मनोजकुमार केसी, रेवती ढकाल, दानबहादुर कार्की, दिनेशकुमार आचार्य, अरुण पौडेल, राजेन्द्रप्रसाद भट्ट, मनोजकुमार यादव, किसनसिंह थापा, गोविन्द थपलिया, सुदर्शनप्रसाद कोइराला, विनोद घिमिरे, जीवनकुमार श्रेष्ठ, दीपक रेग्मी, दीपककुमार बस्नेत, जयराज सापकोटा, शारदाप्रसाद चौधरी, लोकेन्द्र श्रेष्ठ, दीपेन्द्र घर्ती क्षेत्री, रामेश्वरप्रसाद यादव, दिलीपसिंह देउवा, सञ्जिव शर्मा दास बढुवाको प्रतिस्पर्धामा छन्।
उनीहरूमध्ये मनोजकुमार यादव, विनोद घिमिरे, जयराम सापकोटा, शारदाप्रसाद चौधरी, लोकेन्द्र श्रेष्ठ, रामेश्वर यादव, दिलीपसिंह देउवा र सञ्जिव शर्मा दास पनि राअविबाटै आएका हुन्। अघिल्लो टोली भए पनि बढुवामा छुटेका दिल्लीराज विष्ट र गणेश चन्द पनि बढुवाको लाइनमा छन् ।
२०५६ सालमा प्रहरी निरीक्षकमा भर्ना भएकाहरू पनि यसपटकको बढुवामा पर्न जोडतोडले लागेका छन्। २०५६ सालमा प्रहरी निरीक्षकमा भर्ना भएर २०७५ जेठमा एसपी भएकाहरुमा विश्व अधिकारी, सानुराम भट्टराई, ओमप्रकाश अधिकारी, विश्वमणि पोखरेल, शेखर खनाल, अभिनारायण काफ्ले, सोमेन्द्रसिंह राठौर, मुकुन्द मरासिनी, सविन प्रधान, दिनेशराज मैनाली, कृष्णबहादुर पल्ली मगर, भुपेन्द्रबहादुर खत्री, गंगा पन्त, गोपालचन्द्र भट्टराई, रविकुमार पौडेल, बेलबहादुर पाण्डे, दिप शमशेर जबरा, नवीनराज राई, तारादेवी थापा, आभुषण तिम्सिना, प्रविण पोखरेल, प्रज्वल महर्जन, बसन्त रजौरे, बीरबहादुर ओली र चन्द्रदेव राई छन्। उनीहरुमध्ये केही भने अहिले नै आफूहरु बढुवा हुनुपर्ने लविङमा लागेपछि बढुवा पेचिलो बनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
