यौन दुर्व्यवहारकाे आरोप लागेपछि भारतीय यू–१७ फुटबल टोलीका सहायक प्रशिक्षक बर्खास्त

फुटबल

नेपाल लाइभ आइतबार, असार १९, २०७९ १६:४४

काठमाडौं– भारतीय यू–१७ फुटबल टोलीका सहायक प्रशिक्षक एलेक्स एम्ब्रोसलाई बर्खास्त गरिएको छ।

एम्ब्रोसमाथि केही दिनअघि नर्वेमा हुने यू–१७ महिला विश्वकपको तयारीमा रहेकी एक महिला खेलाडीलाई यौन दुर्व्यवहार गरेको आरोप लागेको थियो। त्यसपछि अल इन्डिया फुटबल फेडरेशन (एआईएफएफ)ले तत्कालै एम्ब्रोसलाई स्वदेश फिर्ता हुन निर्देशन दिएको थियो।

साथै, छानबिनका लागि निर्देशन दिइएको छ। सर्वोच्च अदालतले गठन गरेको प्रशासकीय समिति (सीओए)का मुख्य सदस्य एसवाई कुरैशीले एम्ब्रोसलाई बर्खास्त गरेको पुष्टि गरेका हुन्।

कुरैशीले आफ्नो पोस्टमा भनेका छन्, ‘यु–१७ महिला टोलीका सहायक प्रशिक्षक एलेक्स एम्ब्रोसलाई यौन दुर्व्यवहारको आरोपमा बर्खास्त गरिएको छ। उनलाई नियमानुसार थप कारबाही गरिने छ।’

तीन वर्षमा १७ वटा यौन दुर्व्यवहारका उजुरी

केन्द्रीय खेलकुदमन्त्री अनुराग ठाकुरका अनुसार २०१८ देखि अहिलेसम्म सीओएलाई यौन दुर्व्यवहारको १७ वटा उजुरी प्राप्त भएको छ। जसमध्ये सन् २०१८ मा सबैभन्दा बढी ७ र २०१९ मा ७ वटा उजुरी परेका छन्।

इन्डियन एक्सप्रेसका अनुसार विगत १० वर्षमा महिला खेलाडीमाथि यौन दुर्व्यवहारका ४५ घटना घटेका छन्। जसमध्ये सबैभन्दा बढी २९ वटा उजुरी प्रशिक्षक र खेलाडीबीचका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गाजामा इजरायली हमलामा ४८ घण्टामा ९० जनाभन्दा बढीको मृत्यु

राप्रपाको आन्दोलनका कारण शिक्षकहरूको भोलिको प्रदर्शन बिहानलाई सारियो

जनशक्ति सामुदायिक वनमा पाटेबाघ मृत फेला