काठमाडौं– दक्षिणी इरानमा शनिबार आएको ६.३ म्याग्नेच्यूडको भूकम्पमा परी पाँच जनाको मृत्यु भएको तथा ४९ जना घाइते भएका सरकारी टेलिभिजनले जनाएको छ।
राजधानी तेहरानबाट करिब एक हजार किलोमिटर दक्षिणमा रहेको होर्मोजगान प्रान्तको खोश गाउँलाई केन्द्रबिन्दु बनाएर भएको भूकम्प प्रभावित स्थलमा करिब तीनसयको बसोबास रहेको थियो। उक्त स्थलमा तत्काल उद्धार टोली परिचालन गरिएको छ।
बिहानैको भूकम्पपछि पनि भूकम्पका पराकम्पन जारी रहेकाले भवन र पूर्वाधारमा क्षति पुगेको भन्दै सर्वसाधारण सडकमा निस्किएका थिए। भूकम्पको धक्का धेरै छिमेकी मुलुकमा पनि महसुस गरिएको थियो।
इरान ठूला भूकम्पीय जोखिमको क्षेत्रमा रहेको छ। औसतमा यहाँ हरेक दिन भूकम्पको छट्का महसुस हुन्छ। सन् २००३ मा ६.६ म्याग्क्ष्नेच्यूडको भूकम्पले ऐतिहासिक सहर बामलाई क्षतविक्षत पारेको थियो। जहाँ २६ हजार सर्वसाधारणको ज्यान गएको थियो।
सन् २०१७ मा सात म्याग्नेच्यूडको भूकम्पमा परी छ सयभन्दा बढीको मृत्यु भएको थियो भने नौ हजार जनाभन्दा बढी घाइते भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
