काठमाडौं- पाहुना टोली भारतले दोस्रो तथा अन्तिम टी-२० आई खेलमा आयरल्यान्डमाथि चार रनको रोमाञ्चक जित हात पारेको छ।
योसँगै भारतले दुई टी-२० आई सिरिज क्लिनस्विप गरेको छ। पहिलो खेलमा भारत ७ विकेटले विजयी भएको थियो।
जितको लागि २ सय २६ रनको विजयी लक्ष्य पछ्याएको आयरल्यान्डले निर्धारित २० ओभरमा ५ विकेट गुमाउँदै २२१ रन बनायो।
आयरल्यान्डलाई जितको लागि अन्तिम ६ बलमा १७ रन चाहिँएको थियो। उमरान मलिकले १२ रन खर्चेर जित पक्का गराए।
आयरल्यान्डका कप्तान एन्ड्री बलबर्नीले सर्वाधिक ६० रनको योगदान दिए। उनले ३७ बलमा ३ चौका र ७ छक्का प्रहार गरे। पउल स्टर्लिङ १८ बलमा ५ चौका र ३ छक्कासहित ४० रनमा आउट भए।
ह्यारी टेक्टरले २८ बलमा ५ चौकासहित ३९ रनको योगदान दिए। जर्ज डोकरेल १६ बलमा ३ चौका र ३ छक्कासहित ३४ रनमा अविजित रहे। मार्क आदिर २ बलमा ३ चौका र १ छक्कासहित २३ रनमा अविजित रहे।
भारतका लागि भुवनेश्वर कुमार, हर्षल पटेल, रवि विश्रोई र उमरान मकिलले १/१ विकेट लिए।
त्यसअघि द भ्यालेज डल्बिनमा टस जितेर पहिला ब्याटिङ थालेको भारतले निर्धारित २० ओभरमा ७ विकेट गुमाउँदै २ सय २५ रन बनाएको थियो। भारतका दीपक हुडाले शतकीय इनिङ्स खेले।
उनले पहिलो अन्तर्राष्ट्रिय शतक प्रहार गर्ने क्रममा ५७ बलमा ९ चौका र ६ छक्कासहित १०४ रन बनाए।
उनी टी-२० आईमा सुरेश रैना, रोहित शर्मा र लोकेश राहुलपछि शतक प्रहार गर्ने चौथो भारतीय खेलाडी हुन्।
यता, सञ्जु स्यामसन ४२ बलमा ९ चौका र ४ छक्कासहित ७७ रन बनाए। दोस्रो विकेटका लागि स्यामसन र हुडाले १ सय ७६ रनको विश्व कीर्तिमानी साझेदारी गरेका थिए।
सूर्य कुमार यादव १५ रनमा आउट हुँदा हार्दिक पान्ड्या ९ बलमा २ चौकासहित १५ रनमा अविजित रहे।
आयरल्यान्डका मार्क आदिरले ४ ओभरमा ४४ रन खर्चेर ३ विकेट लिए। जोश लिटिल र क्रेग योंगले २/२ विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788243684.jpg)
_hy6IYH2vIF-1751945573.jpg)
-1786602170.png)
-1786513116.png)
