काठमाडौं- जर्मनीमा जी सेभेन सदस्य देशहरुको तीन दिवसीय बैठक चलिरहेको छ। जी- देशहरुको सम्मेलनमा आइतबार अमेरिकी राष्ट्रपति जो वाइडेनले युक्रेनमाथि रूसको आक्रमणका बीच पश्चिमी देशहरु एकजुट रहन आवश्यक रहेको बताएका थिए।
जी-७ देशहरु शिखर सम्मेलनका लागि जुटेका हुन्। यस शिखर सम्मेलनमा मुख्य रुपमा युक्रेनमाथि रूसको आक्रमण र उसका कारण वैश्विक स्तरमा खाद्य र ऊर्जाको आपूर्तिमा परिरहेको असरमाथि छलफल हुने जनाइएको छ। यसका साथ वैश्विक अर्थव्यवस्थामा युद्धको प्रभावबारे जी सेभेनका नेताहरुले चर्चा गर्नेछन्।
जर्मनीमा भइरहेको यस शिखर सम्मेलनको शुरुआतमा गुटका सातमध्ये चार देशहरुले रूसमाथि प्रतिबन्धलाई थप कडा गर्नका लागि रूसबाट सुनको आयातमा प्रतिबन्ध लगाउने र युक्रेनलाई अधिक वित्तीय सहायता दिने सहमति जनाएका छन्।
अर्कोतर्फ यस नयाँ प्रतिबन्धमाथि के सबै सात देशको सहमति हुने छ या छैन एकीकन नभएको बताइएको छ।
युरोपेली परिषद्का अध्यक्ष चार्ल्स मिशेल का अनुसार यो मुद्दा माथि कुनै सावधानीका साथ कुनै फैसाल गर्ने र चर्चापछि तय गर्ने जरूरत छ। बेलायतको सरकारले आइतबार अमेरिका, जापान, कनाडा र बेलायतले रूसबाट सुन आयातमा प्रतिबन्ध लगाउने सहमति गरेको थियो। गत वर्ष रूसी सुनको निर्यात करीब १५.५ अर्ब डलरको थियो।
जर्मनीको सरकारी सूत्रका अनुसार बेलायत, फ्रान्स, अमेरिका, जर्मनी, जापान, इटली र कनाडा का जी-७ नेताहरुले रूसको तेलमाथि सम्भावित मूल्य सीमाको चर्चा गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
