माओवादी सांसद महतको टिप्पणी: सेयर बजार अण्डा दिन छाडेको लेस कुखुरा जस्तो

बैंक/बिमा/सेयर

नेपाल लाइभ बिहीबार, असार ९, २०७९ १४:३८

काठमाडौं– नेकपा माओवादी केन्द्रका सांसद गजेन्द्र महतले आफूलाई सेयर बजार लेस कुखुरा जस्तो लाग्ने बताएका छन्। बिहीबारको प्रतिनिधि सभा बैठकमा बोल्दै महतले सदनमा पनि सेयर बजारबारे कुराहरु उठिरहेको भन्दै धारणा राखेका हुन्।

'जबसम्म फुल (अण्डा) पार्छ, किसानले पाल्छ र नाफा कमाउँछ। जब फुल पार्न छाड्छ, अनि बजार बजारमा ल्याएर, बाटो बाटोमा ल्याएर रु ५००, रु २०० र रु ३०० मा बिक्री गर्छ। अनि त्यही लेस कुखुरा किनेर हाम्रा सेयर बजारका साथीहरु मलाई घाटा भयो, मलाई राहत चाहियो, म मर्छु यावत् कुरा गर्ने गर्छन्', उनले भने।

महतले सेयर लगानीकर्तालाई ख्याल पुर्‍याउन आग्रह गरे। 'यदि राहत चाहियो भने त लेस कुखुराको बीमा गर्नुपर्‍यो। अनि उहाँहरुले राहत पाउनुहुन्छ। नत्र भने लेस कुखुरा किन्ने, अण्डा सकिएको कुखुरा किन्ने अनि फेरि त्यसको फाइदा खोज्नुभएन। यो हरेक सेयर बजारका साथीहरुलाई भन्न चाहन्छु', उनले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

शुक्रबारदेखि पुनःबदली र वर्षा हुने

पाकिस्तानः जारी सडक अवरोध र चिकित्सा सङ्कटबीच पाराचिनारमा १०० भन्दा बढी बालबालिकाको मृत्यु

आवश्यकताका आधारमा संविधान संशोधन गर्न सकिन्छ : अध्यक्ष दाहाल